Thil A Si Kho Lo Tihmi A Um Lo Zia A Takin A Langhtertu Kut Pahnih Ngei Lo Buin Lumet Tupa

Minung tampi cu kan duh lo tuk mi harnak kan cungah a tlun tik ah hna bei dawngin a um i mah le mah nun nak tiang aa la mi tampi theih awk an um tawn. Har nak kan dawn tik ah khin kan lung a dawngh awk a rak si lo Pathian nih lam tha bik a rak kan ser piak tawn. Mah kawng he pehtlai in zei paoh te hi tuah khawh tih mi a rak um lo zia kan vun langhter.

Ka vun langhter duh mipa a min cu Gabriel Heredia an tih mipa kum 20 a si mi Argentina miphun a si mi Sammet thiampa kawng hi asi. Mah pa cu a chuahka tein kut pahnih ngei lo buin a chuak. Chuah katein kut pahnih ngei lo si hmanh sehlaw Sam met zuam ahcun zei paoh te hi tuah khawh lomi an rak um lo tih mi cu Gabriel Hereda nih cun a tak in a vun langhter.

Vawlei tahnak cun mi vanchia cem pakhat dirhmun ah a dir mipa tiah auh khawh a si. Si hmanhsehlaw a chuahka tein kut pahnih ngei hlah hmanh sehlaw lung dawng lo tein mi zei hmanh bochan lo  tein a mah tein aa zuam zungzal mipa a si. A dawngh nak ah cun Sammet thiam tak tak mi ah aa chuah diam ko. Siangin a kai nak ah a hawi le nih pumtlam tling tiah zei  tik hmanh ah an ti bal lo.

Gabriel Heradia caah van that tak tak khi a si tilo awk hrim a tha lo, zei catiah mi tampi cu mah bnatuk pum tlam tling lo mi hna kha nih sawh thlang lamh talk tak in an tuah tawn hna. Tu bantuk Sammet rian aa thim nak a ruang cu a nu hi sammet thiam tak tak mi a rak ruangah a si. Gabriel Heredia cu kum 14 a vun tlin bak ah khin sammet dawr cu a awn i sammet hram cu aa thawk.

Gabriel Heredia cu Argentina Corta an tih mi setana uanthan luhmet lei ah a puaih pakhat a si mi an president Zlatan Gomez he cun an i tawng. Mah hnu ahcun Gabriel Heredia cu Argentian Corta a phuaih ahcun a lut i mah nit hawk cun a thiam nak cu mi theih khawh ding in lam cu aa awng. A mah cu fapa pakhat te a ngei cang a min ahcun Tobias a si. A fapa te sin ahcun zuam ahcun zei [paoh hi tuah khawh lo timi a um lo tiah thazang a pek leng mang tawn.

Releated Post