Vui Nih No A Ngeihlio Na Hmu Bal maw Video Hi Zoh Ve Hmanh

Vui cu kan theih cio bantuk in saram vialte lak ah a ngan bikmi a si, no an hrin zong ah saram ngan an si caah a fawi te lailo timi cu theih cia a si. Vawlei cung ah hin saram lak ah vui hi khuaruahhar ngai an sive, zei catiah vui cu an rawl a ttam cang ah cun an i hngilh kho tilo, hmun hlat pi pi ah rawl kawl in an vak tawn, a puitling cangmi vui nih hin nikhat ah pounds 300 hi rawl an ei.

Vui hi a common name ah cun African Elephant ti si, a scientific min in cun Loxodonta africana ti si, vui hi thingram lawng a eimi(Herbivore) saram a si, a nun chung hi a tlangpi in kum 70 hrawng a si, a san hi pe 8.2 in 13 tiang a si kho, a rih lei ah hin 2.5 in 7 tons tluk in a rit mi a si, vui a chuak kaa hmanh hi kg 100 hna an um.

Saram lei cawngmi hna nih cun vui nih hin i pehtlaihnak fek tak tak an ngei i, cun an mah le mah hi an i chawn ve tawn, cu an i chawnhmi cu minung nih cun theih khawh a silo nain, anmah tu nih cun a hlatnak hmun zong in an theih khawh tiah an ti. Vui nih hin saram vialte lak ah a no a pawi chung hi a sau bikmi a si, saram cheukhat cu thla-3 le thla-6 hna an pawi lio ah vui nih cun thla-22 deng bak an pawi tawn.

A tanglei ah vui nih no a ngeih lio ka chiahmi hi a luan ciami kum 2009 lio ah khan Elephant Safari Park, Taro, Bali ah November ni 9 september thla ah a neihmi a si.

Releated Post