Zoh Ah Khin Lunthin Kehkuai Dihnak Ding Khin An Um(video)

Kan vawleicung ah hin nupa aa daw mi tam pi an um lio ah zingzan mithmai tha hmanh ai pe kho lo mi tampi an ram um ve fawn. Mah chungah cun mi cheukhat nih cun mah nupi, mah pasal hmanh ai za lo mi tampi an um caah padang, nudang ai duhtak mi tampi an um tawn.

Mah tluk cun nuva kar lak hmanh ah dawtnak a um lo lio caan tu i ka vun langhter mi video khi rak zoh ve hmanh na mitthli an tlaktertu a si ko lai tiah ka zumh.Mah video nih hin nu le va tampi cawn piak a kan duh mi a um ko rua kan hmuh lawng khin za hlah seh chungkhar ah nuva kar ah a tak in hman khaw i zuam hna u sih.

Mah hna nupa an min cu Cao Shuca le Xu Houbi hna nuva an si i, mah hna nuva hi dum tuah in pawcawm nak rian a tuan mi an si. Chongqing province, Yong’an khua an si. Dawtnak kan tih leng mang mi cu mah hna nuva ah khin hmuh khawh asi. Vawleicung nuva tampi aa daw kho ti lo mi tampi lak mah hna nuva i dawt ning cu zohchunh awk an tlak tak tak.

1988 kum thawkin vanchiat ah Pi Xu Houbi cu a ke lei ah harnak a tawng i Pi Xu Houbi cu a ke pahnih in a zeng. An tih khaw tawk te cun sizungah an kal ko na tein damnak cu a hmu kho hlei lo. Sihmanh sehlaw dawtnak tak tak kan tih mi nih cun zei bantuk thil hmanh khi a in khawh. Mah hna nuva nih an pawcawm nak cem cu dum tuah a si caah tu bantuk khin dum lei ah cun an kal tawn.

Releated Post