Real Madrid An Sung; Barcelona An Awng

Zahan La Liga bawlung chuih ah Real Madrid cu an certual Santiago Bernabeu ah an sung i, Champion lio Barcelona te cu an khualtlawnnak ah point thum he an rak kir. Real nih hin an certual mi thong sawmriat tlumnak Santiago Berna beu ah Real Sociedad nih an rak tlawng hna i, European Champion a simi hi an certual bak ah goal hnih in an sung.

Bawlung chuih awt a si in minute pathum ah Real nih hin penalty an liam colh i, Real Sociedad nih penalty an hmuh mi cu Jose nih a goal i, tihin Real Sociedad nih first half ah hma an hruai colh i, goal dang pakhat hmanh a lut chap tilo. Suimilam pakhat thluk an chuih ah Real Madrid lei in Lucas Vazquez nih a voihnihnak yellow card a hmuhnak a si caah chuah ter a si.

Second half dongh lei ah Real Sociedad player Ruben Pardo nih minute 83 nak ah avoi hnihnak a goal piak tthan i, hiti hin Real Madrid hi voi hleiriat an chuih chung ah a voi ruknak an sungh hi a si, table ah panganak ah um in point 30 lawng an hmuh rih, an chuih pimi Real Sociedad tu cu voi hleiriat an chuih chung ah point 22 lawng an hmu rih i, table ah hleihnihnak ah an um ve.

Real Madrid starting XI: Courtois, Carvajal, Varane, Ramos, Marcelo, Casemiro, Kroos, Modric, Lucas Vázquez, Benzema, Vinicius.

Real Sociedad starting XI: Rulli; Elustondo, Llorente, Moreno, Zaldua; Januzaj, Illara, Zurutuza, Oyarzabal; Willian Jose, Juanmi.

La Liga Champion lio a simi Barcelona cu khual tlawng in Getafe certual Coliseum Alfonso Perez ah an va tlawng i, Catalan club cu anmah certual ah 2:1 in an tei hna, voi 18 an chuih mi chung ah point sawmli hmu in La Liga ah hmahruaitu an si rih, Getafe club hi tu tan season ah hin an chuih chia lem lo, voi 18 an chuih chung ah point 25 hmu in table ah pa sarihnak ah an um.

An goal mi hna hi first half chung ah a lut dihmi a si i, Barcelona caah minute pakul ah Messi nih a goal i, cu hnu ah Suarez nih minute 39 ah a goal hnihnak a goal tthan ve, cun certual ngeitu lei in minute 43 nak ah Mata nih a goal ve.

Barcelona: Ter Stegen; Roberto, Piqué, Lenglet, Alba; Vidal (Busquets), Rakitic, Arthur (Aleñá); Messi, Suárez, Dembélé (Coutinho) Getafe: Soria; Suárez, Dakonam, Cabrera, Antunes; Foulquier (Molina), Maksimovic, Arambarri, Portillo (Ibáñez); Ángel (Sáiz), Mata

Goals: Messi (20’), Suárez (39’)

Goal: Mata (43’)

Releated Post