Real Madrid Nih An Couch Hlun Jose Morinho An Chawnh Than

Spanish club ngan a simi Real Madrid nih an couch hlun a simi Jose Morinho cu Manchester United nih an phuah hnu ah Bernabeu lut tthat ding in an lem lio tiah an chim.

Real Madrid President a si liomi Florentjno Perez nih Jose Morinho cu a club Real Madrid zohkhenh tthan ding in a duh i, club lamkaltu hna nih cun Morinho he chonh biaknak an ngeih lip a si tiah an chim, Ronaldo chuah hnu in an cawlcangh ning a tthat tilo caah le an duhning jn an kal khawh tilo caah an club sersiam tthan ding ah hin Morinho cu an herh i an duhnak zong a si.

Kum 2010 lio ah khan Florentino Perez nih hin Portuguese couch hi Real Madrid zohkhenh ding in a rak lak bal cang i, Morinho zohkhenhnak tang ah Real Madrid nih cun Copa del Rey an lak pin ah Pep Guardiola zohkhenh mi Barcelona lonh in kum 2012 ah khan La Liga title an rak lak kha a si.

A hmaikum ah dressing room an thawngpaang a tthat lo caah Morinho nih hin a chuah tak colh i, Perez nih hin tlaih a duh tuk zong ah a tlai khp tilo, Perez le Morinho karlak cu an i pehtlaihnak a ttha peng rih i, atu tiang hi i pehtlaihnak ttha an ngei peng rih.

Tu tan season ah hin Real Madrid nih manager pahnih bak an ngei cang nain an cawlcangh a ttha kho hlei lo, La Liga table ah panganak ah an um rih i, hmahruaitu a simi Barcelona nak in point hra in an niam deuh. An dirhmun a ttha kho tilomi chung in a chuah pitu ding ah Florentino Perez nih cun Morinho cung ah zumh ngamnak tampi a ngei i, Manchester United nih december ni hleiriat ah khan an couch in an phuah i, hi hnu ah hin Morinho a chawn biatu hi club pali bak an um manh cang.

The Special One nih hin kum 2000 lio ah a rak zohkhenh mi Benfica zong nih an rak chawnh tthan i, a sinain Morinho nih hin a rak el, a ruang cu Manchester United sin in a hmuh dingmi tangka kong ah a buai deuh rih caah a si, United he hin $15 million hrawng hrang in an i chawnhbiak kho ding in Morinho agent Jorge Mendes nih cun a chim, executive vice-chairman a simi Ed Woodward he biachahnak tuah ding in pehtlaihnak an ngei tthan lai tiah an chim.

Releated Post