Manny Pacquiao Le Adrien Broner An I Thonghnak Ding Ni Khiah Si Cang

Vawlei cung boxing thonghthiam hna vialte lak ah cun Laimi nih kan uar bikmi Manny Pacquiao hi a si ko lai dah tiah ka ruah. Manny Pacqiao cu WBA veng him ding in a ra laimi January ni 19 ah khin Adrien Broner he Las Vegas ah a ummi MGM Grand Arena an i thong tthan cang lai.

Tutan an i thongh dingmi hi tu kum, kum 2019 ah cun a hmasa bik first major boxing thonghnak a si ve lai. Vawlei cung division pariat ah champion a simi Manny Pacquiao nih hin a luan ciami kum 2018 July thla ah khan Lucas Matthysse cu round sarihnak ah rak tei in WBA champion taisawm a rak co hi si i cu lio ah cun Floyd Mayweather he September thla ah an i thong tthan lai tiah social media hna nih cun an rak thanh ngai.

A si nain Mayweather tu cu Tenshin Nasukawa he Japan ram khualipi Tokyo khua ah Exhibition Match lawng in New Year’s Eve ah an i thong i Mayweather nih cun hngakchia tuah bak in a rak tuah ve. Cu ruangah Manny Pacquiao cu Floyd Mayweather he i thong ti loin Adrien Broner tu he a ra laimi January ni 19 i thong dingin a taannak hi si.

Adrein Broner zong hi division pali ah world champion a rak hmu bal vemi si nain a luan ciami kum 2017 July thla ah khan Mikey Garcia nih a rak tei. Manny Pacquiao zong cu Floyd Mayweather nih a rak tei hnu ah voikhat lawn aa thong rih vemi a si i tutan Broner he an i tthuatnak ah a tei tthan si ah cun Mayweather he i thongh tthannak caan ttha zong a hmu tthan te kho men.

Cu ve bantuk in Adrien roner zong nih tutan an i thonghnak ah Manny Pacquiao hi a tei ve si ah cun a mah ca zongah caan ttha tak tak a um ve te kho men. Laimi vialte nih kan uar bikmi Manny Pac Quiao nih hin tutan an i thonghnak ah Pathian um pinak thawngin teinak hmu hraam ko seh.

Releated Post