Tai Chi Kongfu Saya Pa Nih MMA Fighter Pa Aa Singkhaw Sual Cik Cek

Tuluk ram Chengdu ramkulh chungah a ummi Kongfu thiam taktak mi Wei Lei timi pa hi Kongfu lawng hmanh si loin Tai Chi zong a thiam bak tiah a min thang ngaimi a si bantuk in nikhat cu a thiammi Tai Chi thiamnak langhter a duh caah MMA lei ah aa tthua tawnmi Xu Xiaodong timi pa cu a singkhaw ve.

XU Xiaodong timi pa hi Beijing khua ah MMA coach pakhat dirhmun in rian a ttuanmi a si i Tai Chi le Kongfu a thiammi Wei Lei singkhawnak cu lung lawm tein a cohlaan ve. Mr. Xu Xiaodong le Mr. Wei Lei hna an i siangkhawnak cu tlam a tlin khawhnak ding caah Tuluk ram nichiah thlanglei ah a ummi Sichuan ramkulh chung ah i tthua dingin biachahnak a hung chuak.

Weil Lei nih hin MMA fighter pakhat khat he i tthuat ka duh ngai tiah a hawi pa a chimhnak in cu a hawi pa nih cun Mr. Xu Xialdong sin ah cu kong cu a va chimh tik ah MMA foghter hlun a simi Mr. Xu Xiaodong zong nih cun lunglawm tein a rak cohlaan ve. An i singkhaw ning cu an i tthuatnak ah a sungmi nih teinak a hmu tu cu Yuan 10,000 (pound 1222) pek ding in hnatlaaknak zong an tuah.

Cu ti cun Tuluk ram Sichuan ramkulh chungah a ummi boxing thonghnak club pakhat ah Tai Chi le Kongfu thiam Wei Lei le MMA fighter hlun Xu Xiaodong hna cu an i tthuat ding ni le caan a hung phan ve. Hi hna pahnih tthuatnak puai a rak zoh tu hi minung 100 leng an si ve.

Tuluk ram Kungfu thiam hna nih an i hruk tawnmi thuam bantuk tein aa hrukmi Wei Lei nih MMA fighter hlun Xu Xiaodong cu tthua dingin kuat a vun laak cuahmah lio ah khin Xu Xiaodong nih cun MMA fighter pawl nih an hman tawn ning tein Kongfu le Tai Chi zong zei hmanh ruat loin a tthuat taktak ciammaam cu second pahra hlaan bak ah teng lak in aa tthuat tik ah Wei Lei cu a sung colh ai.

An i tthuatnak puai a dih hnu ah Mr. Xu Xiaodong nih cun “Tai Chi thiammi kungfu tama pawl nih hin Tuluk ram mino pawl an ruah ning a rawh ter dih hna i an mah le an mah zong an min thannak ding men in rian a ttuan tu an si” tiah faak nawn in a soisel hna.

Mr. Xu Xiaodong cu a dang kongfu thiammi hna zong nih i tthua dingin an hun singkhaw thluahmah tik ah a hmanmi Weibo account cungah cun singkhawnak ca rumro in a khat ko tiah Mr Xu Xiaodong nih cun a chim.

A video zohnak ding ah mah ka link te hi rak click piak ve: https://videos.dailymail.co.uk/video/mol/2017/05/02/7221188034908475147/1024x576_MP4_7221188034908475147.mp4?_=1

 

Releated Post