Khabib Le McGregor Hna Dantatnak Kong Phuan A Si Cang

Ultimate Fighting Championship (UFC) 229 ah buaibainak a rak chuakmi ah Khabib Nurmagomedov le Conor McGregor cu hrem le dantat an si cang i Nevada Athletic Commission (NAC) nih mah fighter pahnih hna an hremnak kong zong an phuan ve cang.

Buaibainak a chuahtertu bik cu Khabib hi a ai i, NAC nih an hemnak cu thlakua chung i thobgh kholo dingin le US dollar $500,000/- liam ding in hrem a si, Khabib hi thlakua chung an hrem hmanh ah anti-bullying public service announcement lei ah NAC theihpinak in aa telning a tthat a si ahcun hremnak an pekmi hi thla thum in zuh piak a si tthan lai.

Khbib nih tangka  a liam dingmi hi UFC ah a hlawh UFC nih an buainak ruangah an rak hren piakmi chung khat zuh piak ding a si i, UFC 229 ah khan Russian fighter nih hin $2,000,000/- cu a tlawm bik ah hmuh ding a ngei.

Buaibainak ah aa telvemi McGregor cu thla ruk chjng i thong kholo ding in hrem a si ve pin ah US dollar $50,000/- liam ter a sive, McGregor hi buaibainak chuah tertu a si lo caah hrem ning zong a theuneu deuh, fighter pahnih hna an hremnak hi a luan ciami kum 2018 October thla ni ruk khan rel piak an si lai caah Khabib nih hin a ra laimi june ni ruk ahcun aa thongh kho cang lai, kan chim cia bang hremnak hi tawiter piak a si ahcun UFC Lightweight champion Khabib nih hin April thla ni ruk in Octagon ah a lut kho cang lai tinak a si.

McGregor cu thlaruk hremnak a si caah a nih zong hi april tjla ni ruk in cun Octagon chungah hina  lut kho ve cang lai, UFC 229 ah hin Khabib nih cun McGregor hi a tei cik cek i, an i thongh dih ah hin Khabib hi Octagon chung in a chuah hnu ah Conor team paql cu ava thongh tthan hna i, buaibainak fak tak tak in a rak chuak.

Releated Post