Ka Fa A Thluak Ttha Seh Ti A Duhmi Hna Nih Nuapawi Lio Ah Ei Dingmi

Vawlei cung minung nu le pa vialte hna nih kan hrinmi fa le an thluak ttha hna seh ti cu a ho poah nih kan duh cio ko lai dah! Cu ruangah a thluak tthami fale neih a duhmi nu le pa hna caah thawngttha taktakmi ka vun in ttial piak hna, ka fa a thluak ttha ve seh ti na duh bak ah cun pel lo tein rak rel ve hrim hrim.

Hlathlainak tuah tu hna nih nai te ah an hmuh tharmi thil pakhat cu nau a pawi liomi hna nih an hrin dingmi fale hna an thluak tthatnak ding caah a bawmchan kho dingmi a si i cu cu a harmi thil zong si loin ei ding phun te khi a si ko, mah ei dingmi hna hi nau na pawi lio i na ei piak khawh ah cun na fa cu a thluak ttha deuh hrim hrim ko lai tiah an mah lei zong nih an chim phuan bak ve.

Zei dah kan ei dingmi cu a si lai le zei tin dah kan ei piak lai tiah cun, nau na pawi lio ah thingtei (Banhla, Apple, Hai le a dang dang) a tlawm bik nikhat ah pumruk in pum sarih kar na ei piak peng lai. Zei ruangah tiah cun mah ti na ei piaknak thawngin khan IQ normal nak in 6-7 tiang a saan ter khawh. Thingthei timi hi nau a pawi liomi hna caah cun an nau inn chung ummi naute caah a rak ttha tuk hringhran.

A tu bantuk in hlathlainak a tuah tu hna hi Alberta University in midim hna an si i hi an hmuhnak kong cu EbioMedicine timi journal zongah an thlah ve. Thingthei kan timi hi kan hrinmi fa le an tthan hnu, an thluak rian ttuannak le tthanchonak caah a rak biapi tukmi an si caah nau a pawi liomi nu nih cun tam piin ei piak ding bak si ko.

Hlathlainak a tuah tu mifim hna nih hin nau a pawi liomi nu hna hmangin hlathlainak an tuahmi si bantuk in nikhat ah thingthei pumruk in pum sarih a ei pengmi nih a hrinmi fa le a ei bak lomi fa le hna chungin kumkhat an tlin tik ah an thluak rian ttuannak lei zei tluk in dah a tthancho timi cu ttha tak tak in an tuah ve hna hnu ah an hmuh fian mi cu si.

Cu ruangah ka fa hi midang nak in a thluak ttha hrim hrim ve seh ti na duh bak ko ah cun na duh zong duh lo zongah nau na pawi lio ah thingthai tam piin ei piak khawh i zuam ve hraam ko. Fa na hrinmi cu nau a pawi lio ah thingthei a ei ve lomi nu nih nau a hrinmi fa le naak cun a thluak ttha deuh hrim hrim ko lai.

 

 

Releated Post