Asia Ram Chungah Ah A Ngan Bikmi Sumi Baptist Church Biak Inn

Vawleicung ah Biakinn ngan pipi an um cio, Bible ttial hnu in biakinn nganbik a si lai tiah an zumhmi cu St.Peter’s Basilica, Vatican City ah a ummi biakinn hi a hlunbik le a nganbik mi biakinn an si tiah theih an si. Asia ram chungah teh khuazei ahdah biakinn nganbik a um?

2017 tiangah Asia ram chungah a ngan bikmi Khrihfa hna kan biak inn cu India ram Guwahati ah a um tiah an rak ti nain hlathlainak tlingdeuh le ttha deuh in an vun tuah tthan tikah Nagaland ramkulh chung i Zunbeboto hi Asia ram chung biakinn nganbik a si tiah New India Express nih a langhter.

Hi biakinn hi Sumi Baptish Church (The nine-atorey Sumi Baptist Church) ti a si, an saknak ah an dihmi an tuak tikah Rs.36 crores (USD 5,544,000) hrawng a dih, an sak chung hi 2007 may 7 in an thok i 2017 March 31 ah an lim. Kum 10 chung bak an sak tinak a si. Hi biakinn hi minung 3,000 tlum dingin an sakmi a si,tthutden 8500, cun khaan 27 hrawng in sakmi a si.

Hi biakinn a khaan tthenning cu conference tuahnak hall, Seminar thall, meeting hall, mizaw umnak khan, hngakchia lentecelhnak khan, aa tthi-ummi ttamhmoihnak le lakphakti dinnak khan, rawl-einak khan le Office 14 a um.

An biakinn hi pe 1864.9 a sang rili a thuh tlukin a sang tinak a si, Mizoram tlangsang cem hi rili in pek 2150 hrawng a si. a cung lei langhnak cun hi biakinn hi a sangdeuh tinak a si. Cucaah Nagaland khuachung in hmunkip in a langin heihmuh khawh a si, a muisam suaitu hi Ms.Akitektura (Nagaland) le Engineer ah Ms. Kolkata leiin a si.

Hi biakinn saknak ah a dihmi vialte hi anmah Church members chung le a leng in chawlet pawl bawmhnak le a pe khomi bawmhnak in sakmi le bank ah loan cawi in mah tluk tiangtiang biakinn ngan le ttha an Pathian thangtthatnak caah an sak khawh hi khuaruahhar taktak a si.

Releated Post