A Thihnak Kum (100) Si Cang Nain A Nungmi A Lo Peng Rih

Italy ram Palermo timi khua Capuchin timi Khrihfa nu thiang pawl siangin tangah a ummi vawlei tang thlaan chungah hin mummy (mithi ruak thu kho lo dingin chiahmi) lawng te hmanh 8000 tluk an umnak thlaan pakhat si i mah Capuchin timi vawlei tang thlaan cu an ruak thu kho lo dingin si an thuh hnami mummy pawl thawng in vawlei cung minthang thlaak pakhat zong ah aa chuah vemi si.

Mah thlaan chungah an chiah hnami mummy 8000 chungah hin vawlei cung khualtlawng kip hna nih zoh an duh khun bikmi mummy pakhat a um i mah mithi ruak cu ‘Sleeping Beauty og Palermo’ (aa hngilh hliahmahmi Palermo dawhnak) tiah an auhmi si.

Mah mithi ruak Sleeping Beauty of Palermo mithi nu te a min tak tak cu Rosalia Lombardo tiah an rak auhmi si i a luan ciami kum 1920 (a mah kumhnih a rak si lio) ah Pneumonia cuap phun zawtnak in a rak thimi si. A dawt tukmi a fanu nih ruah lo piin a thih taak ruangah hringtu a pa simi Mario Lombardo cu a lung faak tuk hringhran.

Cu ruangah a thimi a fanu ruak hi rawk kho lo ding bakin na ka tuah piak lai tiah Chemical lei mifim pakhat a simi Alfredo Salafia sinah a rak hal. Alfredo Salafia zong nih cun Mario Lambardo halnak cu a cohlaan piak hnu ah a thimi a fanu Rosalia Lombardo ruak cu thu kho lo dingin Nitrogen dat hmangin a tuah piak ve.

Rosalia a thihnak hi a tu ah cun kum 100 a hung tling dengmaang cang ko nain tuni caan tiang rawk lo tein a um peng ko rih caah cheukhat hna nih cun mah hi a lem in an serchommi si ko lai tiah an ruahnak in comment an pek tawn ve. A si nain mah bantuk ruahnak a nei tu vialte nih an ruahmi a hrawk tu le a fianter tu cu National Geographic timi Magazine si.

Kokek le scientist lei thil cangmi pawl hlathlainak a tuah tu le a ttial tu mah National Geographic timi magazine nih cun Rosalia mummy a chung he a leng lei he Medical International Research (MIR) in  ttha tein hlathlainak le cheknak an tuah dih cikcek hnu ah mah mummy hi Rosalia ruak a si ko tiah fehternak an tuah ve.

Source: Rosalia Lombardo Wikipidea

 

Releated Post