Padang He A Phohpian Tu A Nupi Cu Hreitlung Bak In A Ceh

Chungkhar pakhat nu le va kar lawng hmanh ah si loin hrin ciami fa le ca tiangah ningzak tak tak a simi thil pakhat cu phohpian timi hi si. A luan ciami February ni nga ah khan Irrawaddy ramtthen Kyaung Kone myone chungah nu le va bial alnak le siknak chuak in a pasal nih a nupi cu thing cehnak hreitlung bak in a ceh ve.

Thil sining cu a luan ciami February ni nga zan suimilam hleikhat le minute sawm nga tluk hrawngah khan Irrawaddy ramtthen kyaung Kone myone Sat Kun khua ah a ummi U Aye Min kum 53 le Ma Khin Hnin Oo kum 38 hna cu pakhat le pakhat bia alnak le siknak ruangah hliam hma tiang an tuar ve i sang upa nih an va fuh hna.

Sang upa te nih an va fuh hna ah hin Ma Khin Hnin Oo cu ah lehmah pathum tluk a tlekmi hliamhma, a keng ah lehmah pahnih tluk in a tleekmi hliamhma hna he an inn chungah cun a rak rilh ko an hmuh caah a rannak in palik hna sin ah thawng thanhnak an tuah colh hnu ah Kyaung Kone khua general sizung ah an tlik pi tthan.

A tu bantuk in a nupi cung ah kut a thla tu U Aye Min hi seih-ka mawngmi a si i midang bantuk in holh tammi a si lo lengah mi ttha ngai pakhat cu a si ko. Mah thil a can zaan ah hin U Aye Min nih a nupi Khin Hnin Oo cu padang he phohpian ti hlah tiah ral rinnak a pek ruangah an pahnih kar ah bia alnak le siknak a chuak.

Cu ti bia an i alnak ah U Aye Min nih cun a thin hunnak aa sum kho ti lo i a nupi Khin Hnin Oo cu an inn tung kam ah a chiahmi thing cehnak hreiltung bak in voihnih a tuk caah Ma Khin Hnin Oo cu hliamhma faak tuar in a tu hi Kyaung Kone sizung ah an thlopbol cuahmah lio si tiah Kyaung Kone palik zung lei nih an chim.

Hi thil kong he pehtlai in a nupi hreitlung in a tu tu U Aye Min kum 53 cu Kyaung Kone palik zung lei nih pohmah 105/2019 le pohmah 326 hna hmang in nizan February niruk ah khan taza cuai hram an thok ve cang.

Releated Post