Suimilam Pakhat Ah Meng (420) Tluk Rang In A Tli Dingmi Vawlei Cung Motor Cycle Rang Bik

Mah kong hi a thei ciami zong kan tampi cang ko lai nain a thei rih lomi hna kan um sual ah theihtlei pakhat bantuk in kan theih cionak hnga ka vun update tthan. Vawlei cung motor cycle lak ah a rang bik tiah an thimi cu ‘Dodge Tomahawk’ timi a si i American ram hrambunh Chrysler Corporation Motor sernak company pakhat a si vemi Dodge nih an chuahmi si.

A luan ciami kum 2003 lio ah an rak chuahmi si ko nain tuni caan tiangah mah motor cycle tluk in a rangmi motor cycle design an chuah kho rih lo ruangah a laar peng ve rih. A luan ciami kum 2003 i America ram Detroit khua ah tuahmi North American International Auto Show ah pakhat te lawng an sermi mah Dodge Tomahawk cycle cu a voikhatnak bik an rak piah.

A hram thok ka ah cun motor cycle bantuk in chuah le zuar ding an in an rak tim lem lom Dodge company hi Mini Van le SUV timi motor pawl a chuah tawn tu American mawttaw company minthang pakhat a si. Motor cycle designer a simi Mark Waltes nih design a tuahmi mah SRT 10 Engine an sermi cu motor cycle ah bunh in aa dawhnak men men lawng in an rak piahmi si i RM motorsport company nih a body an tuah.

Mipi zoh ding men men in an rak chuahpi mi si ko nain mah Dodge Tomahawk cycle design nih hin cycle uar tu mipi lung thin a laak khawh tuk ruangah le mipi lei in cawk an duh tuknak le an hal tuk hna ruangah Dodge Tomahawk motor cycle a dang hna zong chuah hram an thok ve tthan.

Cu tin cun kum 2003 in 2006 tiang ah Dodge Tomahawk motor cycle cu an hun ser i vawlei cung ram kip ah pakua te lawng bak a um ve, mah motor cycle man cu US dollar in 555,000 bak a si ve. Mah motor cycle hi zei tluk in dah a ran tiah cun motor cycle dang cu chim lo vawlei cung motor rang bik timi pawl hmanh nih a tlik tak tak ah cun an phan kho lo. A si nain mah tluk a rannak (speed) hi a mawng tu nih an mawnghnak thawngin si loin cycle engine nih a chuah termi horse power in an tuak vemi si.

Mah cycle hi zei tluk in dah a ran timi cu dinamo meter in tah ding in an hal ko nain a chuah tu company lei nih an duh lo. Zei ruangah tiah cun mah motor cycle engine power nih a chuahmi horse power ning in a ho hmanh nih an mawngh ngam lo caah si. Cu ruangah mah motor cycle hi zei tluk set in dah a ran timi cu fiang tein an thei kho lo nain a dirnak hmun in meng 60 tiang a phanhnak dingah hin second pahnih lawng caan a rau tiah company lei nih cun a chim.

Video zohnak link: https://youtu.be/NhIjpYFpV40?t=1

 

Releated Post