Model Htet Htet Htun: Rampi Hruai Tu President Si Ding Tiang In Ruahchannak Ka Nei

Kan kawlram model le mintami vial te hna lak ah cun model Htet Htet Htun hi ruah channak ngan bik a nei tu si ko lai, kan hnu lei Yangon khua i municipal (si-pin) thimnak puai ah khua uk bawi dirhmun tiang hmanh ka phan kho ve lai tiah mah le mah zumh ngamnak ka nei tiah tiah model Htet Htet Htun nih cun a rak chim.

A pahnihnak Yangon khuauk tu bawi tlin khawhnak ding he aa tlaakmi thiamnak (quality) zong nei kho ding in kaa zuam peng ve tiah DVB thawngzamh phu hna nih a mah te lawng interview an tuahnak zong ah model Htet Htet Htun nih cun a chim chap rih. Cun “kei mah le kei mah zumh ngamnak ka neih ruangah kaa zuam vemi si i vawlei cung ah a si kho lo, a si kho rih lo timi le aa tlaak lo timi thil hi um sehlaw cu kaa zuam ve hnga lo.”

“Zuam duh ttung lo in hmuh lawng duhnak lungthin nei ning law faak piin kaa zuam ta rih ve ko hnga, a si nain tu ah cun kei mah le kei mah zumh ngamnak ka nei bak cang, mi zei hmanh nih an ka zumh lo zong ah kei mah le kei mah le kei mah kaa zumh ngamnak cu minung pakhat nih neih hmasa bik a herhmi ah ka ruahmi si, mah le mah zumh ngamnak kan neih hnu lawngah zei thil paoh kan tuah kho ve lai” model Htet Htet Htun nih cun a chim chap rih.

Cu lawng hmanh si loin model Htet Htet Htun nih cun rampi hruaitu president dirhmun zong hi kaa ruah chan ngaimi si i president dirhmun he aa tlaakmi thiamnak (quality) ka neih khawh hnu ah cun hmu kho ding le ngah kho dingin kaa zuam rih fawn lai tiah a chim chap rih hoi.

A ra laimi March ni 31 ah tuah tthan dingmi Yangon sipin thimnak ah model le miss pakhat a simi Htet Htet Htun cu i zuam ve dingin a min zong aa pe ve cang i mah thimnak ah aa zuam dingmi hna nih February ni 28 in March ni 30 tiang me suai khawhnak caan an pek ve hna.

Releated Post