Vawlei Cung Minthang Le Mirum Cheukhat Hna Nih Pumpaak In An Neihmi Vanlawng Pawl

Minung lungthin le ruahnak in khua vun tuak le vun ruah caan ah hin cun vawlei cung minung kan sining le kan dirhmun hi aa rak thlau hringhran ko. Cheukhat minung caah cun vanlawng kan timi hi a neih cu chim lo a mui te hmanh hmuh khawh a rak har lio ah vawlei cung mirum cheukhat hna vial nih cun an mah pumpaak bak in an rak neih huar ko. Vawlei cung mirum hna lak ah mah pumpaak bak in vanlawng a nei tu le an vanlawng man pawl a tang lei ah ka vun langh te hna lai.

Harrison Ford (Cessna 680 Sovereign): Harrison Ford timi pa hi Six Days le Seven Nights timi muicawl chung i vanlawng mawng tu ah a si i Star Wars timi muicawl chung zongah Millennium Falcon timi a mawng tu zong si. A nih hi private vanlawng tam nawn a nei tu si bantuk in a neihmi vial te lak ah Cessana 680 Sovereign timi hi a uar bik, a hnu bik a man an ttial ning ah cun US $6,195,000 bak si.

Tom Cruise (Gulfstream IV): Mah vanlawng nei tu cu Hollywood minta hna lak ah vawlei cung mipi nih an uar bik vemi Tom Cruise a si i mah a vanlawng The Gulfstream IV timi cu phaisa tampi dih in a remh hnu ah cun minthang vanlawng pakhat ah a hung chuak ve. Mah vanlawng hi pilot pahnih nih an mawngh vemi si i minung 14 tluk a chungah an i tlum, meng 5000 chung hi cu lei ah ttum lo le gas rawn hau lo tein mawngh khawhmi si, hmunung bik a man an langhter ning ah cun $ 41 million bak a si ve.

Donald Trump (Boeing 757): Tulio American president a ttuan liomi kan Pu Donald Trump nih a neihmi si i vawlei cung president vialte lak ah a pakhat nak bik Boeing 757 vanlawng nei tu zong si, hmunung bik a man an langhter ning ah cun $ 80 million bak si.

Tyler Perry (Gulfstream III): Minthang minta le director zong a ttuan chihmi Tyler Perry zong nih hin vawlei cungah ah aa dawh bikmi Jet vanlawng hna chungin Gulfstream III bak aa neih ve. Mah vanlawng zong hi hmunung bik a man an langhter ning ah cun $25 million bak si ve.

Jim Carrey (Gulfstream V): Jim Carrey timi pa nih hin a mah pumpaak bak in Gulfstream V timi vanlawng a cawk hnu ah mirum hna tlawnlennak chungah a lut ve. Mah bantuk vanlawng hi vawlei cungah 100 lawng a um i a man cu @ 41 million tluk hrawng si.

Roman Abramovich (Boeing 767): Mah pa hi cu tam deuh nih cun kan theih cio ko lai dah, Norilsk Nicker company ah share tian zong a nei ve tu si lengah UK ram bawlung club minthang Chealsea timi club zong a nei tu si.

Joseph Lau (Boeing 747-81): Mah vanlawng a nei tu pa zong hi mi rum taktak a si vemi Joseph Lau timi pa a si i hmunung bik man an thanh ning ah cun $153 million bak a si ve.

Sultan of Brunei (Boeing 747-430): Sultan timi pa cu tulio vawlei cung ah mi rumbik a si i a neihmi Boeing 747-430 vanlawng man lawng hmanh hi $230 million bak si ve.

Jeff Bezos (N271DV): Tulio vawlei cung mirum vialte hna lak ah a rum bik tiah number one bak ah chiahm, vawlei cung ramkip mipi hna nih online cung in thil kan caah Amazon timi company nei tu si, a vanlawng man hi $75,000,000) bak si.

Bill Gate (Boeing 737): Vawlei cung mi vialte hna lak ah a pahnih nak dirhmun ah a ummi si i a neihmi zei dang chim loin a vanlawng man hi $128,000,000 man bak si ve. A dang zong an um pah len rih ko nain a sau tuk sual lai caah mah vial hin ka vun ngol rih lai.

Releated Post