Leiba Hrial Duh Ah Kum 60 Nu Nih Kum 20 Nungak Muisam Keng Dingin Plastic Surgery Aa Tuah

Kan vawlei cung ngai hi cu zei thil le zei thil ko hi dik a rak can ve tawn hnga, a hlei khun in Tuluk ram ko ah hin hi bantuk thil mak deuh deuh hi a cang tawn khun rua dah! Tuluk ram ah a ummi nu pakhat cu company pakhat in Tuluk phaisa Yuan 300, 00000 (Kawlram phaisa in cun ting thong sawmsarih leng) leng bak a cawimi cu cham a ttih tuk ruangah a mui aa thlen diam ko.

Mah nu hi a min zong tling tein langhter duh loin Choo ti lawngin aa langhter kum 60 a si cangmi cu phaisa tampi dih in kum 20 bantuk nungak mui bak ah chuak lak in plastic surgery aa tuah. Mah nu hi a umnaak khua ah cun mirum taktak pakhat a si lengah thil tthitnaak sehzung nganpi pakhat zong a nei tu a si.

Company sin ah phaisa a cawimi hi a tamtuk i tulio US dollar in cun 43, 14800 tluk bak a si ve caah mah phaisa vialte cham lai ttih tuk lung in aa tlaak bikmi thil cu a thluak hmang in aa tuah ve ko. A tu bantuk in a hmai plastic surgery aa tuah hlaan ah hin phaisa a cawinaak company zong nih taza an rak cuai ve cang i biaceih zung zong nih cun na cawimi phaisa leiba hi na cham hrim hrim lai tiah biachahnaak an rak tuah piak.

Biaceih zung nih biachahnaak an tuahmi cu Choo zong nih cun hna tla tein a cohlaan hnu ah a umnaak an khua in a zaam diam. An khua in a chuah hnu ah a hlaan a rak umnaak an khua in kilometer 900 tluk a hlaatnaak Shenzhen timi khua ah a hmai cu plastic srgery tuah in aa thlen hnu ah a um huar ko.

A si nain thil dik lo tuahmi cu thuh khawh peng a si lo bantuk in mah nu zong cu palik pawl nih an theih khawh tthan tthiam ve. Shenzheng khua ah cun mi rum tak tak dirhmun in khua a sak lengah a inn le lo hna hmanh hi an ttha tuk i a thilri hmanmi hna zong hi thil man faak lawngte bak an si.

Palik nih an tleih hnu ah cun a hlaan ah taza cuai a rak ton ciami case pakhat lawng hmanh si loin case dang hna zong an chap chih rih. A tu hi palik kut tang ah an chiah lio pi a si i thla 15 thong tla dingin le a dang phaisa a cawimi vialte zong liam dih dingin biaceih zung nih cun biachahnaak an tuah piak tthan.

 

Releated Post