A Pasal He Phohpianmi Gay Bak Duh In Nau Tiang An Nei Beh

Philippine ram Occidental Mindoro timi peng San Jose timi khua ah a ummi Angelica Mabuhay timi nu cu a pasal pa he a thli tein a phohpianmi nu dok pa dok a simi pa bak biatak tein a duh ve hnu ah mah nu dok pa dok pa nau tiang pawi in fa zong a nei beh. A pasal pa he a thli tein aa duhmi le a phohpianmi nu dok pa pa hi a min ah Jeffery Urieta timi Gay pakhat a si.

Angelica timi nu nih hin a pasal pa nih a cung ah a neihmi lungput duhsak tein aa dannak le zei i a rel lonak duhsah tein a hun hmuh le theih hnu ah a pasal nih hin zei bantuk thil dah a tuah timi theih khawh aa zuam ve cang. Cu ti cun a pasal pa kalnak kip ah a thli tein zul in le a ngiat peng hnu ah an pa cu nu zong a si lomi pa a si ko nain nu bantuk in a ummi Jeffery he an i duh le an phohpiannak cu a theih.

Angelica nih a pasal pa he a phohpiakmi Gay pa sin ah cun a pasal he an i duhnak hi dih dongh ter dingin ca a kuat tawn, mah ti ca a kuat tawnnak in Angelica le Jeffery zong cu ruah lo piin an hun i kom ngai ve. Mah ti an i komhnak caan tlawmpaal a hung rauh hnu ah Angelica le Jeffery hna cu step pakhat kai in an hun i duh ve.

Angeleca le Jeffery an i duh timi thawngpaang cu a pasal Justin nih a theih tik ah a nupi Angelica cu a tthen colh bak ve. A pasal pa he an i tthen le caang ka in Angelica cu Jeffery he hmun khat um ttimi (living together) dirhmun an hung phan colh ve. A phohpian tu a pasal pa ka kham a tinak ah Aungelica timi nu cu a pasal he a phohpian tu pa he nau zong an nei ben ai.

Releated Post