Minta Moe Aung Yin Caah Ruahchannak Thil A Hung Um Ngai Tthan

Kan kawlram minta hna lak ah lem canning zong a thiam bak vemi le min thannak zong a hmu ngai ve cangmi Moe Aung Yin cu rithaisi hman ruangah le mah le kut cung chiah ruangah tiin a luan ciami kum 2018 November ni 26 ah khan kum nga thong tla dingin biaceih zung lei nih baichah piak a rak si hnu.

Mah kumnga thong tla dingin biachahnak an tuah piak hnu, a luan ciami kum 2018 December ni 12 ni ah Pazun Taung biaceih zung nih rithai si zuarnak le kut cung ah i chiahnak case in kum 12 thong bak tla dingin biachahnak an tuah tthan tik ah a zapi te fonh ah cun kum 17 thong bak a tla dingmi si.

Hi kong he pehtlai in media lei in siseh mipi lei in Moe Aung Yin caah biaceih zung nih biachanhnak a tuahmi hi a luan hringhran ko timi le mah biachahnak hnu lei ah hin thil dik lomi a um timi kong te hna thawngpaang a hung chuak tthan ve. Moe Aung Yin biachahnak kong he pehtlai in a mah lei ttang sihni nih myone biaceih zung nih biachahnak an tuah cangmi cu ramtthen biaceih zung ah a luan ciami kum 2018 December thl ani 27 ah khan azukhan an tuah ve.

A luan ciami kum 2018 December ni 27 ah azukhan an rak tuahmi cu nizan tihni, Februay niriat ni ah khan Moe Aung Yin cung biahchahnak tuahmi kong he pehtlai in ramtthen lei biaceih zung nih ceihmainak an tuah tthan hnu ah a ra laimi February ni 27 ah khin a kong ceih piak tthan dingin ni le caan an khiah piak tthan hna.

Hi kong he pehtlai in Moe Aung Yin lei ttang sihni a simi U Khin Maung Tint nih cun “Moe Aung Yin cung biachahnak kong he pehtlain azukhan kan tuahmi cu tuni ah zoh tthannak an tuah piak, a case le azukhan kan tuahmi hi a tam ngai caah a dikthlir cun ka chim ti lai lo. Myone biaceih zung lei nih azukhan lut kho dingin an on piak ruangah kan luh venak hi si ko.”

“Moe Aung Yin cung biachahnak an tuahmi he pehtlai in azukhan kan tuahmi cungah hin a mah ca ah ruah channak tam pi a um ve kho, cun ruahchannak a um ruangah kan tuahmi zong cu si ko i a ra laimi February ni 27 ah khin a konglam cu ceih piak tthan a si te lai” tiah a chim.

 

 

Releated Post