Thawng La Tu Pa Hmai A Bengh Ruangah Kyat (1000) A Rak Liam Tu Htet Htet Moe Oo Timi Cu

Mintami Htet Htet Moe Oo hi kum zabu hleikua lio le kum zabu kul thok ka hrawng lio ah khan cun kawlram mintami hna lak ah cawngia thiam bik a rak si bantuk in cangia siangpahrang nu ti tiang hmanh in a min rak thang tak tak vemi si. A luan ciami kum 1971 May thla niriat ah Pu Khin Aung le Pi Khin Myo Ngunt hna nih Mandanlay ramtthen Mogok khua ah an rak hrinmi si.

Hringtu nu le pa hna nih a chuah ka ah min an rak sakmi cu Mhone Shwe Yi timi si i a luan ciami kum 1991-1992 hrawngkhan kawlram a nuhpingniga lawkah chungah luh hram aa rak thok ve. Mah anuh ping ngia lawkah chung a rak luh hnu in Mhone Shwe Yi timi a min cu Htet Htet Moe Oo tiah aa rak thlen ve.

A hmasa bik video aa rak zeihmi cu ‘minung tak tak’ (တကယ္လူ) timi si i mah video ah cun minta Soe Thu le mintami Soe Myat Thuzar hna he lem an rak cang tti. Cu hnu in cun minta Ye Aung le mintami Moht Moht Myint Aung hna he lem an hung cang ttik tthan i a luan ciami kum 1996 le 2001 lio ah khan academy laksawng voihnih bak a rak hmu ve.

Pasal voithum a nei cangmi si i a voikhat nak bik a pasal cu director le minta a simi Min Oo a si, Min Oo he an vun i tthen hnu in hlasak thiam Anagga he a luan ciami kum 2004 in 2008 tiang an i nei tthan. Hlasak thiam Anagga he cun an hun i tthen tthan i a pathumnak pasal cu a luan ciami kum 2010 August thla ah Zoe Myat Htet timi he an i nei tthan.

Mah hlan a pasal pahnih hna he cun fa pakhat hmanh an nei lo nain Zoe Myat Htet he an i neih hnu a luan ciami kum 2011 ah khan Sit Lwin Wa Ti Htet timi fanu dawh rosung an nei. A luan ciami kum 2012 lio ah khan a pasal neihnak kong he pehtlai in thawng la tu pakhat nih bia a hal ruangah mah pa cu a hmai ah a rak bengh caah Yangon biaceih zung nih Kyat 1000 (1USD) an rak liam ter ve.

 

Releated Post