Thi Cancer Zawtnak A Neimi A Fanu Te Phumnak Ding Caah A Pa Nih Thlaan A Cawh Piak

Vawlei cungah hringtu nu le pa hna nih an ttih bikmi thil pakhat cu hrin ciami fale an thi lai ti theih ko bu ah zei hmanh tuah piak kho ti loin zoh sawh timi dirhmun hi si. Tuluk ram Sichua ah a ummi Zhang Liyong timi pa cu kum hnih te lawng a si rihmi a fanu Zhang Xin Lei nih thi cancer zawtnak a nei ti a theih tik zei hmanh a tuak kho ve ti lo.

A fanu te zohkhenh nak ah an neihmi chaw le va zong a dih cang lengah leiba tampi he khua an sa i “mi sin ah phaisa kan cawimi zong a tam tuk cang, cun a ho hmanh zong nih an kan cawih duh ti lo” tiah Liyong timi pa nih cun a chim. A fanu thlopbol nak caah tiin a chungkhat rualchan hna sin phaisa a cawi zong ah ho hmanh nih an cawih duh ti fawn lo.

Cu ti cun a fanu Xin Lei cu nikhat hnu nikhat in a zawtnak a hung zual chin thluahmah ve i a rannak bak in sizung ah kalpi a ho ding dirhmun an hung phan, sibawi te zong nih a rannak in operation tuah a hau cang tiah an chimh rih fawn. A si nain a fanu sizung kal pinak ding ah a herhmi phaisa a neih lo lengah a caan luan hlan ah a fanu thlopbol ti kho lo le ruahchannak nei lo bak in khua a sa ko.

Cu ruangah vawlei cung nunnak cu a sung pe in a fanu thih lai caan cu mitthli tlaak bu te he a zoh sawh ko cang, a fanu thih tik ah phum nak ding tiin a cawh ciami thlaan chung te ah cun an pafa te ni fatin an va kal tawn. Liyong le a fanu sining cu social media cung a phanh tik ah a hmu tu vialte zong ngaihchia tuk in a tuah ve hna.

Liyong le a fanu te dirhmun le sining cu mi harsa bawmchaan tu phu hna le sang upa hna nih an zoh khawh ti hna lo caah a fanu te operation tuahnak ding caah phaisa bawmhnak an hal piak ve hna. Liyong timi pa nih hin a fanu thlopbol nak caah a neihmi le a cawimi phaisa pound 11000 bak a hman ve cang.

 

 

Releated Post