Ronaldo Fapa Le Messi Fapa Hna Tahchunhnak An Zeihmi Video Cu A Hung Laar Tak Tak

Tu lio hrawng social media cungah a hung laar taktak vemi cu vawlei cung bawlug chuih thiam le minthang bik pahnih a simi Cristiano Ronaldo le Lionel Messi fapa hna tahchunhnak video an laakmi le an thlahmi hi si. Mah video hi facebook le Instagram ti bantuk cungah tlah loin Twitter cungah an thlahmi si i Tiwtter hmang tu mipi hna caah pakhat le pakhat bia alnak zong a chuah ter ngai ve.

Thil a mak ngaimi pakhat cu mah video chungah cun vawlei cung bawlung chuih thiam le minthang hna pahnih i an fa le cu an thil tuah duhmi aa dang ngaimi hi si. Ronaldo fapa le vialte hna lak ah a pa keneh a zul kho tu a si lai tiah an rah ciomi le a mah Ronaldo zong nih a dawt bimmi a fapa Cristiano Ronadli Junior cu Juventus hngakchia bawlung chuihnak club zong ah aa tel kho ve cang.

Bawlung a chuihnak zong ah a pa bantuk in free kick chuih a thiam leng ah kawl sut zong a thiam kho tak tak ve. Ronaldo Junior hi a hngakchiat lio tein hringtu a pa Cristiano Ronaldo nih bawlung chuih a zuam khawhnak ding caah tiin a mah bawlung chuih a cinhnak hmun paoh ah hngakchia pakhat dirhmun in a rak celh ter ve peng caah a tu ah cu bawlung chuih zong a zuam ngai ve cang.

A fapa caah ruahchannak tampi he aa rak zuam ve bantuk in a tu ah cun mah aa rak zuamnak cu hlawhtlinnak a hung chuak ngai ve cang i Junior Ronaldo cu midang hngakchia hna he tahchunh tik ah a lu zong a hung lang khun ngai cang, cun midang hngakchia hna nak in bawlung chuih zong a thiam khun deuh ngai fawn.

Khat lei ah Ronaldo he aa zuam peng vemi Lionel Messi fapa Thiago Messi zong cu an hun langhter ve i Messi tu nih cu a fapa Thiago hi bawlung chuih thiam pakhat si nak in hngakchia ttha pakhat siter a timh deuh rua. Zei ruangah tiah cun Thiago hi a pa bantuk in bawlung chuih a zuam lo lengah pung suai lei kap hi zuam in zalong te nun hi a tlaih chan ngai.

Hringtu a pa Messi bawlung chuihnak ah a zulh tawn ko nain bawlung chuih hi uar ngai zong in a zoh bal lem lo. Mipi cheukhat hna nih cun hngakchia an si rih bantuk in an hngakchiat lio ah cun an mah duh ning tein zalong tein an nunnak an hman hi a ttha bik ko tiah comment an pek ve hna bantuk in khat lei ah cun a fapa Ronaldo Junior caah fai tein thli ttha a hmuh piak kho tu Ronaldo hi hringtu pasal ttha cu si tiah comment an pek hna ve.

Video zohnak: https://twitter.com/i/status/1085944842000191488

 

 

Releated Post