AIDS Zawtnak In A Thimi Vawlei Cung Minthang Pa (10) Hna

Vawlei cung minung vialte hna nih zawtnak lak ah kan ttih bikmi cu Acquired Immune Deficiency Syndrome (AIDS) timi zawtnak hi si i kan theih cio bantuk in mah zawtnak neih hnu ah cun dam khawh a si ti lo. Tuan ah maw tlai ah dah tiin thih lai caan lawng hngah si ko cang. Mah zawtnak ruangah hin minung tampi an thih cang bantuk in cu hna lak ah AIDS zawtnak in a thimi vawlei cung minthang pahra hna cu a tanglei ah ka vun langh ter hna lai.

Magic Johnson: A nih hin Basketbaal lentecelh thiam pakhat a si i a luan ciami kum 1959 August thla ni 14 a khan a chuakmi sim NBA ah min thang pakhat zong a si fawn. Homo le rithaisi hmannak ruangah a thisen chungah HIV rungrul a lut i AIDS zawtnak a neih hnu zongah caan sawu nawn cu a nung dam ve.

Authur Ashe: A nih hi a luan ciami kum 1943 July ni 10 ah a chuakmi si i vawlei cung Tenis tuk thiam minthang pakhat a hung si lengah a konglam ttialmi cauk tiang a chuak ve. Cun a mah sual ruangah si loin AIDS zawtnak a nei tu thisen an rawnh sual ruangah mah zawtnak nei in a luan ciami kum 1993 February niruk ah khan a thi.

Keith Haring: A luan ciami kum 1958 May thla nile ah a chuakmi si i kum 1990 February thla ni 16 ah AIDS zawtnak in a thi ve. A mah zong hi a sual ruangah si loin si a chung tu sibawi te nih sichunhnak siring tleng loin zawtnak neimi an chuhnhnak cia in an chunh ve sual ruangah mah zawtnak a neimi si.

Eazy-E: A lua ciami kum 1963 September ni 17 ah a chuakmi si i vawlei cung Rap hlasak thiam le minthang pakhat a si nain 1995 March ni 25 ah AIDS zawtnak in a thi ve. A thih lio ah hin kum 31 te lawng a si rih i zawtnak a neimi nu pakhat he an sual ttinak in mah zawtnak zong a neimi si.

Timothy Patrict Murphy: A luan ciami kum 1959 November thla nithum ah a chuakmi si i American model le minta pakhat a si, nu thlok lo pa thlok lo bak in sex hman a zuam tukmi a si ruangah AIDS zawtnak he a luan ciami kum 1988 December thla ah a thi ve.

Brad Davis: A nih zong hi Americang model le minta pakhat a si ve i a luan ciami kum 1949 ah Florida ah a rak chuakmi si. A thli tein rithaisi a hmannak in AIDS zawtnak a ngah nain a thih lai tiang hmanh ah AIDS zawtnak ka nei tiah a chim duh bak ve lo nain a thih lai tiang a pawngah um pengmi a hawi pa nih a thih hnu lawngah chim ve.

Rock Hudson: A luan ciami kum 1925 November thla ni 17 ah a chuakmi si i a mah le chan lio ah cun lemcan thiam bik pakhat si ve. A lung zawtnak kong he pehtlai in operation an tuah lai ah AIDS neimi thisen an rawnhnak in a nei vemi si, mah zawtnak cun a luan ciami kum 1985 ah a thi ve.

Pedro Pablo Zamora: A luan ciami kum 1972 February thla ni 29 ah a rak chuakmi si i AIDS zawtnak he kum 1994 November ni 11 ah a thi ve. Nu dok pa dok a simi Gay pawl he hmun khat an um ttinak in mah zawtnak hi a ngahmi si i a thih lio ah hin kum 22 te lawng si.

Gia Carangi: A luan ciami kum 1960 January thla 29 ah a chuakmi si i American model minthang pakhat a si bantuk in Giorgio Armani, Levi le Maybelline hna minthang model pakhat zong a si. Zei tin dah AIDS zawtnak a ngah ning si timi zong fiang tein a phuang duh lo i a thih ah hin kum 26 te lawng a si rih.

Kicky Wilson: American hlasakthiam minthang a si i a luan ciami kum 1953 March ni 19 ah chuakmi si. A mah nih a dirhmi B52 timi phu zong minthang a si i a luan ciami kum 1983 lio Whammy timi album aa chuah hnu ah a thi ve, a thih ah hin kum 32 te lawng a si rih.

Releated Post