Mipi Nih An Uar Tukmi Mintami Eaindra Kyaw Zin Kong Tawi

Kawlram mipi nih an uar bak vemi le hlawh tlinnak zong a hmu bsk vemi ah cun mintami Eaindra Kyaw Zin hi tulio mintami hna lak ah cun pakhatnak a si men lai. Eaindra Kyaw Zin hi a luan ciami kum 1977 April ni 24 ah Pu Kyaw Zin le Pi Myia Thidar hna nih an rak hrinmi si i unau chuahpi pathum lak ah hngakchia bik si.

Eaindra Kyaw Zin hi kan kawlram pi luatnak hmuhnak ding ah biatak tein a rak cawlcaangmi yebaw tungceih (ရဲေဘာ္သံုးက်ိပ္) hna lak ah aa tel vemi Bu Zay Yar tunu zong a si lengah cattial thiam sayakyi Dagon Tayar tunu zong a si fawn. Cun hlasakthiam Haymar Nay Win, Yazar Nay Win le minta Pine Zaye Htun hna he unau (ttawinkuai) zong an si.

Taanghra a awn hnu university a kal hlaan deuh tein model ttuan hram aa thok i Visit Myanmar Year timi puai ah a voikhatnak bik aa rak zuam ve nain laksawng hmu loin thimmi minung pahra chung tel pakhat lawng a rak phan kho. Cu ti cun a luan ciami kum 1996 ah tuahmi Miss Cokkine le Miss Christmas timi puai ah aa zuam tthan i a pahnih ning tein pakhat nak veve bak a hmuh.

Zuksin lei kap ah cun Myiawaddy in an rak thlahmi ‘chitdaw editor’ timi muicawl ah director Bukyi Kyaw Htoo he an rak i zeih hmasa bik. Mah hnu ah cun ‘Ahnaingmeh’ (အႏွိုင္းမဲ့) timi zatlan aa zeih tthan i mah zatlaan in cun mipi nih theih ram an hung thok ve. Mah hnu cun kyodaw biscut timi le Sein le Myia timi ihphah cawngia nak in mipi nih an hun theih chin i an hun uar ngai ve cang.

A nuh ping ngia lei rian a ttuannak ah aa zuam tuk tiin a mah he rian ttuan tti hna zong nih an thangtthat lio le hlawhtlinnak a hmuh lio ah khat lei ah cun thawngpaang ttha lo/thawngpaang deu tete zong cu a rak chuak pah ve. Cun mintami Eaindra Kyaw Zin hi mi tampi hna nih an tum khawh lomi ‘sawng’ antimi zong tum thiam in myanmar tichin gyi zong sak a thiam taktakmi si.

Tuluk ram ah tuahmi shwe kyatphah timi international zuksin puai tuahnak ah kawlram mintami hna lak ah a voikhatnak bik sawm a rak tong vemi si. A mah belte a nuh ping ngia lei rian ttuan tu hna nih an i ruahchan bikmi academy laksawng belte hmu kho loin caan zei maw zat a hman hnu a luan ciami kum 2004 lawngah director zeihmi ‘myathna mia deh kawngkin’ timi zuksin in a cademy a hun ngah ve.

Cun a luan ciami kum 2017 academy peknak puai ah zatka 57 bak an thimmi chungah yin bat tthe kah dar timi muicawl in woman actress academy laksawng a hmuh tthan. Mah yin bat tthe kah dar timi zuksin hi kawl muicawl vialte lak kumkhat chungah phaisa luh a ttha bikmi zong a si fawn.  Kawlram minta hna lak ah a mui zong aa dawhmi le mipi lei zong nih thazaang pe in an uar bak ve bantuk in hlawhtlinnak zong a hmu bak tu minta Pyi Ti Oo he an i neih hnu ah a tu ah cun fa rosung pahnih zong an nei ve cang.

A tu zongah hin mintami Eaindra Kyaw Zin cu mintami rian a ttuannak kum zabu pahnih hmanh hei luan cang ko hmanh sehlaw tu lio kawlram mintami le model cheukhat hna nih a mui dawhnak ah siseh a thil hruk le fashion design lei kap zong ah an cheu khawh rih bak ve lomi mintami dirhmun aa tlaih ve peng kho ri.

Releated Post