Justin Bieber Nih Selena Gomez Hla Thar Sakmi A Lawmhpi, Comment Tiang A Pek

A tu lio hrawng cu Vogue Magazine cover hmanthlaak caah Justin Bieber le a nupi Hailey Baldwin hna nih a luan ciami thlakhat lio ah an rak i thlaakmi hmanthlaak a hung chuah tthan bantuk in interview tuahnak tete zong a hung chuah tthan tik vawlei cung ram kip ah a ummi Justin fan pawl hna nih cun Justin nih hin Selena cu hei duh peng ko rih hmanh sehlaw a pawng te ah a um cangmi Hailey he nuam tein a nunnak caan hman aan tim cang tiah an chim len.

A si nain mah ti comment an peknak in caan a hung rauh hlaan ah Justin Bieber nih Selena cungah a neihmi lungput le tlaihchannak te hi a um peng rih ko hi ta timi zong an hun hmuh tthan. Hi bantuk thil an hun hmuh tthan hnami chunga pakhat a simi cu Selena he pehtlai in Justin Bieber nih comment a pekmi ruangah si.

Selena sizung in a chuah hnu a luan ciami January ni 24 ah khan Selena le Julia Micheals hna nih hla thar an sak ttimi ‘Anxiety’ timi Youtube cung a phanh hnu ah mah hla tangah cun Justin Bieber nih mah hla thar a lawm pinak kong langhter in comment a pek. Selena hi Justin Bieber he an rak i tthen lai hrawng ah khan lungthin dik lonak lei kap he aa pehtlaimi zawtnak a neih caah mah zawtnak caah cun si le ai zong in a tu le tu aa rak thlopbol tawn.

Selena nih mah bantuk zawtnak a neihnak zong hi zei dang ruangah si loin Justin Bieber he kumhra chung an rak i duh lio caan chungah Justin Bieber nih a rak tuahhraamnak le a tu le tu ti awk in a rak phohpian taak ruangah hin lungre theihnak a rak tuar tawn i mah lungre theih tuarnak nih cun lung zawtnak phun khat tiang a neih ter caah hi zawtnak a neihnak hi Justin he zong aa pehtlai ve ti zong chim khawh si.

Selena nih mah bantuk zawtnak a rak tuarmi kong cu ralchan in ‘Anxiety’ timi hla fungkhat a phuah hnu ah Julia Micheals he an sak hnu ah Youtube cung zong a hung phan. Mah hla cu Youtube cung a phanhnak in zarhhnih chung bak ah a zoh tu minung 25 million bak an hung phan colh ve.

Selena le Julia Micheals hna caah mah hla thar a paoh ngainak hi khuaruah har cu a si lem lo nain nupi thar te he nuam tein caan ka hmang cang tiah a ti tu Justin Bieber nih kumhra chung a duhmi a nungak nu hlasakmi tang ah cun ‘This is Beautiful’ tiin comment a pekmi belte hi cu mipi an khuaruah zong a har ter ngai hna.

Selena le Justin i co hna seh tiah tuni caan tiang hmanh a duh piak tu mipi hna nih cun Justin Bieber nih comment a pekmi tang ah cun Justin Bieber nih Selena a tlaih channak lungthin hi tuni caan tiang a dih kho rih lo hi ta timi kan theih caah kan i nuam ngai ngia tiah comment an pek chih ve.

A si nain Hailey Baldwin nih cun “kan pahnih kar ah a chuakmi buainak vialte hi hmunkhat te ah phisin dingin le ka si khawh chungin a cungah ngaihthiamnak nei in ka duh peng khawhnak ding caah le a mah ven himnak ding caah tiin kaa zuam peng ve” tiah Vogue nih interview an tuahnak ah a chim ve.

Video zohnak: https://youtu.be/Q33DvcjXA7M?t=1

 

Releated Post