Rakhine Ram Chungah Lawng Pakhat A Pil Hoi, Minung (19) Bak An Tlau

Maw kan kawlram thawng le paang ngai hi thawngpaang ttha zong theih a har chin thluahmah ko cang, Rakhine ramkulh Maan Aung myone Zi Taw khua pawng ah a ummi mei ceihnak (mi piah tteih) ser dingin a kalmi lawng pakhat cu tuni February ni 11 zinglei suimilam pali tluk hrawngah khan ti chungah pil in minung 19 bak an tlau.

“A tu hi a tlaumi minung hleikua cu kan kawl cuahmah hna lio si, Maan Aung myone uk tu bawi hruainak in ti lei ralkap hna le a dang dang department lei upa hna zong nih an kan tel pi ve” tiah a tu bantuk in lawng pilnak ah a tlaumi kawl tu hna chungin minung pakhat nih a chim.

A tu bantuk in a pilmi lawng hi ‘sinpuang’ (ဆင္ေျပာင္သေဘၤာ) tiah auhmi si i mah lawng cungah cun minung 26 an cuang nain minung pasarih lawng mei ceuhnak hmun sernak dingah cun an rak phan kho. Lawng a pilnak kong he pehtlai in thawngpaang dik le fel tein theih khawhnak ding caah kawlram rili kam lawng dinhnak le lawng pilnak lei ah ttuanvo nei tu hna sin ah zei hmanh hal kho an si rih ve lo.

Mah lawng pilmi le minung tlaumi kawlhawl nak ah  Pyine meithat phu lei zong nih biatak tein ttuanvo an laak ve i “a tu bantuk in a pilmi lawng hi mi piah tteih ser dingin a kalmi cozah lawng pakhat a si i zei ruangah dah a pil timi belte cu kan nih zong fiang tein kan thei ve rih lo, lawng pilnak hmun ah kal in a tlaumi tu kan kawl cuahmah hna lio si” tiah pyine meithat phu hruai tu U Thaw Dar nih Irrawaddy thawngzamh phu hna sin ah a chim.

Mah lawng hi zei ruang set ah dah a pil timi cu dik thliar tak in an thei kho rih lo nain mi piah tteih ser dingin an kal lio ah hin ti cung ummi lungpang he aa suk ruangah si ttheu lai tiah Maan Aung myone chungah cun thawngpaang a chuak ngai tiah Maan Aung myone lei in pyine hluttaw kusale U Boe Nweih nih a chim.

 

 

Releated Post