Hngakchia Pakhat Bantuk In Duh A Nung Tukmi Model Lu Lu Aung

Photo model pakhat dirhmun in a nuh ping ngia lei rian biatak tein aa ttuan vemi Kachin miphun muidawh le tungtai ttha Lu Lu Aung zong hi fa pakhat nei cang i nuthlawi dirhmun te ah um ko hmanh sehlaw a mui dawhnak le a tungtai tthatnak ruangah kawlram mipi hna nih an uar bak mi le thazaang an pek pengmi model pakhat a si peng ve rih ko.

Kawlram mipi nih Lu Lu Aung an uar khunnak hi cu zei ruang theng lei ah khin si loin a tung tai tthatnak le dawhnak ruang bik te ah si ko. Cu a tungtai tthatnak le dawhnak cu langhter in hmaan aa thlakmi le video tawi cheukhat aa zeihmi te te cu social media cung a thlah tawn tik ah a hlei in pa pawl nih cun an uar tuknak ah a min zong in au siang loin ‘Khegyi Lu’ ti tiang in an auh ve.

Model Lu Lu Aung cu tu hi khual a tlawn lio a si bantuk in a khual tlawnnak hmanthlaak dawh te te mipi hmuh khawh ding in social media cungah a mah personal facebook bak in a hun share tthan hna. Model Lu Lu Aung hi fa pakhat nei cangmi a si bantuk in a kum khua te zong upa pah ko cang hmanh sehlaw a mui dawhnak hi cu zor kho loin hngakchia pakhat bantuk te bak si ko.

Tutan a thlahmi hmanthlak cung te ah cun ‘tiva kam te ah tthu in dunak hi zei bantuk khi dah si timi ka ruat’ (အခ်စ္က ဘယ္လိုမ်န္းေလးလို႔စ္…… ေခ်ာင္းေဘးထိုင္စဥ္းစားနာ) tiah caption te zong a tuah chih. Cun kan kawlram model minthang hna lak ah hin a mah lungtho tein kan Lai tlang tiang zong a kan tlawng vemi model pakhat a si bantuk in kan mah Laimi chungkhar zong a cang te kho men.

A hmaanthlak le video file thlahmi kong ah cheukhat lei kap in cun soiselnak um ko hmanh sehlaw mi cheukhat soiselnak cu zei rel lem loin in a mah le lam te zong a zul peng ve. Minung cu zei thil kan tuahnak hmanh ah mi cheukhat lei in soiselnak an kan tuahmi ttih in hmai kan fon lo ah cun hlawhthlinnak hi fawi tein hmuh khawh si ve lo.

 

Releated Post