Nungak Pawl Nih An Tlangval Hna Sin In Theih An Duh Bikmi Bia Kaa (5)

Nungak kan timi hna hi an lung fahak si ah an lung nuamhnak si zongah chin le phuan a hmang tuk lemmi an si lo bantuk in an duh tukmi thil um ko hmanh sehlaw an tlangval hna sin ah chim lem loin theihthiam nak te he lung chungah uam a hmangmi an si nain an lung chung tein in cun ka tlangval pa nih zei tik ah dah a ka cawk piak te hnga timi a hngak tu an si.

Cun nungak pakhat an si bantuk in an duh an dawtmi an tlangval hna sin zong in bia tampi theih an duh tuk ko nain mah bia hna lak ah cun theih an duh khunmi bia kaa nga a um i mah bia pawl cu a tang lei ah pakhat hnu pakhat in ka vung langhter ve hna lai, nungak neimi na si ah cu rak rel ve.

Kan Duh Tuk Ee: Nungak hna nih an tlangval hna sin in a pakhatnak ah theih an duh bikmi cu ‘kan duh tuk ee’ timi bia hi si. Kan duh kan dawt tuk timi bia hi voi zei zat chim zongah aa duhmi nungak le tlangvaal hna kar ah cim le vuai timi a um bal lo.

Nang Mah Hi Na Ttha Bik or Naa Dawh Bik Ko: Nungak pawl nih an tlangval te sin in a pahnihnak ah theih an duh tuk vemi bia cu ‘nang mah hi na ttha bik ko ee’ timi hi si. A biana ah nu ngak pawl nih an hawi le te he an um tti caan ah maw nungak dang hna he an tlangval te nih an tahchunh tik hna hi mah hna vialte nak in nang mah hi na ttha bik ko a si lo le naa dawh bik ko an vun ti cang hna ah cun an i lung hmuih kho tak tak.

Ka Lungre Na Ka Theih Ter: Zaan i an hawi le te he an len caan hna i an lawi hna vun tlai pah tik caan ah ho hi dah ka caah a lungre thei bik hnga tiah nungak pawl nih an i ruahmi cu hring tu an nu le pa le an tlangval te hi an si ve. Na nungak nu sin ah khan zaan leng na chuah caan hna ah hin na caah ka lungre thei tuk ee na vun ti hna ah cun an i lung hmuih kho tak tak ve ti kha philh bak lo ding.

Nang Mah Lawng Hi Ka Duhmi Na Si: Hlan ah cun nungak zei tluk tam zong rak hmu in rak duh ko hna hmanh ning law nang mah he kan i hmuh le kan i duh hnu cun hi vawlei cungah ka duh bikmi le ka dawt bikmi cu nang mah te lawng bak hi na si ko timi bia hi nungak hna nih an tlangval te sin in theih an duh bak ve.

Kan Theih Thiam Tuk Ko Ee: Na nungka nu nih thil pakhat khat a tuah sual caan ah maw a si lo ah palhnak pakhat khat hna na cung i a tuah sual tik ah kan theih thiam tuk ko ee timi bia he na va hnemhnak bia te nih hin na nungak nu zei tluk in dah a lawmh ter i na cungah tlaihchannak a neih timi zong philh bak lo ding.

 

Releated Post