Bawlung Kun Chung Tiang A Rak Lutmi A Fan Pa Hmanh Lunglawm Tein A Kuh Ko

Nizan February ni 10 zan i Juventus le Sassuolo an chuihnak ah Juventus club thazaang petu pakhat cu Ronaldo ton duh ruah bak ah bawlung chuihnak kun chung tiang a rak lut. Zan han an chuihnak ah cun Cristiano Ronaldo nih Juventus lei caah a pahnihnak goal cu a lu bak in dawh tak tak in a khumh piak ve hna.

Mah a pahnihnak goal a khumh hlaan deuh ah cun a mah Ronaldo ton duh ruah bak ah bawlung kun chung ah a rak lutmi Juventus fan pakhat cu lunglawm tein a kuh ve ko. Mah Juventus fan pa nih cun Ronaldo nih goal a khumh caan paoh ah a tuah tawn ning bantuk tein thli cung ah hlok in a tuah ve.

Mah pa cu Ronaldo nih a kuh hnu ah bawlung kun lei zohfelnak ah ttuanvo nei tu hna nih bawlung kung chungah lut in mah pa cu lengah an chuahpi ve. Mah Juventus fan pa pakhat leng an chuah ternak in caan tlawmpaal a hung rauh bak ah Juventus lei nih coner an tuahmi cu a lu in dawh tak tak in a goal hnihnak cu a khumh khawh.

Ronaldo nih zahan zaan Sassuolo he an chuihnak ah a lu in a kawlhmi goal he cun goal 20 leng bak a khumh cang tinak si i hnu bik an chuihnak puai 13 ah goal 20 bak a khumh khawh cang bantuk in tulio Series A ah goal 18 a khumh cang. Zanhan i Sassuolo he an chuihnak ah 3-0 bak in teinak an hmuhnak thawngin puaihnih pehzul tein an rak sunghnak cu a hung dih ve cang fawn.

Zahan zan i Sassuolo he an chuih hlaan ah hin Atalanta he an rak chuih lio ah 3-0 bak in an rak sungh ve bantuk in Parma he an rak chuihnak zong ah 3-3 in an rak i tluhnak nih zei maw zat cu a vun tlaak ter hna nain Sassuolo he an chuihnak ah 3-0 bak in teinak an vun hmuh tthanmi nih a vun chanh deuh ngai hna.

video zohnak: https://youtu.be/IXxYMd6vy9M?t=8

 

Releated Post