Hring Tu A Nu Hmai Bak Ah A Fapa Kum (6) Hngakchia Te A Hngawng An Tan

Vawlei cungah ttih a nung bikmi thil pakhat cu biaknak kong he aa pehtlai mi buainak le ral dohnak hi si ko, Saudi Arabia ram ah kumruk te lawng bak a si rihmi hngakchia pa te pakhat cu Musilm biaknak dang a biami an si ruangah hringtu a nu hmai bak ah a hngawng tan in thah a tong ko.

A tu bantuk in hngawng tan le thah a tongmi hi Zakaria Al-Jaber timi kumruk hngakchia te lawng a si rih i hringtu a nu he cun Madina khua ah a ummi Porphet Muhammad biakinn ah an pathian bia ding in Taxi pakhat hlaang in an kal. Mah an kal lio ah cun “kan nu kan nih cu Shia Musilm kan si ko lo maw” tiah hringtu a nu cu a hal tawn.

Kumruk hngakchia pa te Zakaria nih cun hring tu a nu cu a tu le tu ti awk in a hal lengmang ruangah “aw kan si ko ka fa” tiah a nu nih cun a leh ve. Zakaria le hringtu an i chawnhnak aw cu Taxi mawng tu pa nih a theih tik ah a thin hung tuk cang i a mawttaw cu lamkam ah a dir ter.

Mawttaw chungin a chuah hnu ah mawttaw hnu lei ah a tthumi Zakaria cu lengah a chuah ter i a nu hmuh hngan bak ah cun thlalang kuai in a hngawng a hleh le a tan hnu ah a thah beh. A mah mit hmuh rori ah Taxi mawngtu pa nih a fapa hngawng a hleh lio a hmuh tik ah hringtu nu cu zei tuah ding zong thei loin a au len ve.

Saudi Arabia ram hi Sunni Musilm hna nih nawl an neih tak tak nak ram a si bantuk in Saudi Arabia ram chungah a ummi hna zong hi Sunni miphun deuh lawng te cu an si. Cu ruangah hngakchia pa te Zakaria nih hi Shia Musilm a si ti a theih ruangah Taxi driver pa nih a thahnak cu si.

Hi kong he pehtlai in Saudi cozah lei nih zei bantuk rian ttuannak zong an tuah bak lo tiah Washington hrambunh Shia miphun hna Right lei zohfelnak le dirkamh tu hna nih an chim. Cun Saudi Arabia ram ah hin Shia Musilm pawl cu cozah ralkap hrim hrim nih a doh hna ruangah thonginn chungah caan hmangmi zong an tlawm ve ti lo.

Source: https://www.dailymail.co.uk/news/article-6687765/Pictured-Six-year-old-boy-beheaded-Saudi-Arabia.html

 

Releated Post