Taangruk Kai Lio Hngakchia Pa Nih Kum (5) Hngakchia Nute A Tlaih Hrem

Kan chim tawn bang vawlei cungah in India ram le Myanmar ram ko ah hin maw kum tling lo hngakchia tlaihtremnak hi a tam bik ko hnga. A luan ciami February nikua ah khan Irrawaddy ramtthen Labwatta district Mi Chaung timi khua ah KG a kai liomi kum nga hngakchia nu te cu taangruk a cawng liomi hngakchia pa pakhat nih a ihnak khaan chung bak ah a tlaih hrem.

Thil sining cu khuate leiah harsa ngai in khua a sami hna nih an ton tawn bantuk in min langhter a duh lomi nu pakhat cu kumhnih a fapa le kum nga a fanu hna he thingthei an lawhnak ah an lawh ciami thingthei cu va tlun pi chung dingin an mah khua ah a um vemi U Tin Aung le Daw San Aye hna an fapa Maung Hla Myo Htet le a fanu kumnga hngakchia nu te cu inn lei ah a tlun ter chung hna.

Cu ti cun a fanu kumnga nute le an khuami Maung Hla Myo Htet hna cu zanlei suimilam panga le cheu hrawngah khin inn lei a tlun ter chung hna hnu ah a mah le kum hnih a fapa te cu thingthei an lo tthan. Caan a hung tlai pah cang ruangah min langhter duh lomi nu le a fapa hna cu inn lei ah an rak tlung ve i an umnak inn an phanh hlan ah khin Maung Hla Myo Htet le a fanu hna nih an phurhmi thingthei chiahnak ttawng cu lam kam ah a hmuh.

A fanu te cu a auh len ko nain a rak chuah hlei lo ruangah hring tu a nu zong a rannak in an umnak inn lei ah a rak ttin ve. An inn cung a hung kai hnu ah khin Maung Hla Myo Htet nih a rannak in a bawngbi hruk in an inn chungin a tlik lio le ihnak cung ah a ttap mi a fanu te cu mah min langhter a duh lomi nu nih cun a hmuh manh ve.

Mah lio caan te ah cun a pasal zong a rian ttuannak in a rak lawi ve cang i thil sining vialte cu a nupi nih cun a chimh hnu ah hringtu a pa cu khuabawi le ttuanvo nei tu hna sin ah a va kal nain khuabawipa a um lo ruangah khuabawipa nupi he nu hna kongkau ah ttuanvo nei tu (a myo tami ziza) ah kal in Daw Thein Win le Daw Myint Myint Lwin timi hna sin ah bawmhnak an va hal.

Tlaihhrem a tong tu kum nga hngakchia nu te cu a ton tak le ton tak lo sibawi te nih an chek hnu ah a tong tak ko timi zong fiang tein an hmuh ve caah ttuanvo nei tu palik hna sin ah report an tuah colh ve. Cun kum tling lo hngakchia a tlaihhrem tu Maung Hla Myo Htet zong cu pohmah 376/511 in taza cuai an timh ve cang.

 

Releated Post