Tleicia Min Thway Kong He Pehtlai In A Chungkhar Lei Nih Ralrin Peknak Ca A Chuah

Kawlram mipi hna nih an rak uar ngaimi le thazaang zon an rak pek ve ngaimi minta Min Thway cu a luan ciami kum 2018 October thla nithum ah khan bawlung an chuih lio ah ruah lo piin Heart Attack a ngah sual in hi vawlei cung nunnak in a rak liam cang bantuk in a thihnak zong tu ah cun thlali a hung tling ve cang.

Hi vawlei cungah um ti hlah hmanh sehlaw minta Min Thway cu a chungkhar hna le a hawikom dawt hna nih tuni caan tiangah nikhat te zong an philh kho rih ve bak lo. Tleicia minta Min Thway kong he pehtlai in kan hnu lei February ni 10 ah khan a chungkhar hna nih ralrin peknak ca pakhat an chuah ve.

Mah ralrin peknak le nawlpatnak ca an chuahmi cu tleicia Min Thway far nu a simi Su Mon nih ‘tleicia minta le hlasakthiam Min Thway kongkau he pehtlai in ralrin peknak le nawl patnak’ timi ca tlaang taar in a mah facebook cungah a thlah i  ca a ttialmi cu a tang lei ah hin ka vun langh ter lai.

“Tuni caan tiang tleicia minta Min Thway a daw tu le thazaang a petu hna nan dih lak cungah kan Ii lawm tuk hringhran, tleicia kan tta pa Min Thway min hmang in a hlu tuahnak, social media cung thlahnak, media cun thlahnak, Min Thway le a chungkhar hna min hmang in le Admin theih lo in a hlu tuahnak le MT Logo hmannak te hna hi tleicia Min Thway chungkhar lei nih kan theih pimi a si caah a tuah tu nan um si ah cun upadi ning teih rian kan ttuah cang lai tiah thawngthanhnak kan in tuah hna” timi a si.

Tleicia Min Thway caah hin a chungkhar hna nih an mah biaknak he aa pehtlaimi thluachuah hal piaknak le Min Thway hmunhma ttha a phanh khawhnak ding caaah tiin a hlu zong an tuah piak peng. A hlei in Min Thway upa minta Nay Toe zong nih a naupa Min Thway caah tiin a hlu a tuah piak peng ve, mah kong cu interview an tuahnak zong ah a chim.

 

Releated Post