Nay Chi Oo Nih A Tlangval Pa He An Len Tinak Hmanthlak Thar An Thlah Than

Beauty Blogger pakhat lawng hmanh si loin a nuh ping ngia sin pakhat dirhmnun in a nuh ping ngia lei rian ttuannak zong ah biatak ein a hung cawl cangh lengah private sipuaizi tiang hmanh a kemh chih kho rih mi Nay Chi Oo hi cu tulio kan kawlram nungak pawl nih an uar taktak vemi idol pakhat a si bantuk social media cung zongah a hung laar bak ko.

Tlangval a neihnak kong he pehtlai zong in mipi sin ah theih tenak a tuah tawn tu a si bantuk in tuni Fabruary ni hleihnih zongah a tlangval pa he huam taktak in dawr an len ttinak hmanthlak thar pawl a vun thlah tthan hna. An hmanthlaak zohnak hmanh hin zei tluk in dah an i duh timi le zei tluk nuam in dah caan an hman tti timi cu a fiang ngai ko.

Vawlei cung ramkip ah a ummi nungak le tlangvaal hna nih nuam tak tak in an hman tawnmi Valentine’s day hmanh a phanh deuh hlan ah an hnih pahnih cu nuam tak tak in dawr an leng tti cang. Nay Chi Oo hi mipi nih an uar khunnak cu zei thil a tuah hmanh ah thuh le zei nei lo tein mipi sin theihternak a tuah tawnmi te hi si.

Nay Chi Oo hi hringtu a pa zong mirum pakhat a si lengah a mah zong nih private business tuah in kawlram model hna lak ah cun a rum ngaimi pakhat zong a si i tuan deuh a tlang pa ca hmanh ah vawlei cung phanat man faak bik tiang a rak cawk piak bal cang.

Voidang ah cun hmanthlaak a thlah paoh ah hin a tlangval pa hi ho dah a si timi zong a ttial chih tawn nain tutan hmanthlaak a thlahmi belte ah cun mah a tlangval pa hi mi zei dah a si timi zong pakhat te hmanh a ttial chih ve ti lo. Cun kan hnu lei deuh ah khan ka tlangval pa he kan piat bak cang timi kong zong social media cung i a rak thlah bal fawn rik ah tutan a tlangval pa hi a tlangval thar si dawh si.

Releated Post