Bruce Lee He Lawh A Duh Caah Nikhat Ah Suimilam Pa (4) Chung Bak A Cinh Peng Ve

Japan ram Naya timi khua ah a ummi Ryusei Imai timi hngakchia pate hi a tu ah cun kumriat a hung luan ve cang i Kung Fu lei a thiam khawh ning hi cu khuaruahhar lei bak si ko. Mah hngakchia pate Ryusei timi nih hin tinhmi pakhat a neih i mah cu zei dang si loin vawlei cung ah Kung Fu a rak thiam bik le a tthawng bik tiah an rak timi tleicia Bruce Lee bantuk chuah ding hi si.

Kum nga a rak si lio ah hin a luan ciami kum 1972 lio ah a rak chuakmi ‘Game of Death’ timi Bruce Lee lem cannak video a zoh hnu in Bruce Lee bantuk si ding hi a hruh bak in aa hruh pi ve. Mah video a zoh hnu ah cun Ryusei nih hringtu nu le pa hna sin ah Nunchaku (mi tuk nak ah hmanmi) cawk a rak hauh hna.

A nu le pa nih Nunchaku an cawk piak hnu cun Game of Death timi video chungah Bruce Lee nih a hman ning le mi a tuknak hna cu ttha tein aa zoh dih hnu ah Bruce Lee bantuk deng bak cun a tuah khawh ve. Cun a pumrua zong hi Brue Lee bantuk in a hakmi pum a si khawhnak ding caah a zuam chih i mah ti cun Ryusei cu social media cungah a hung laar ngai.

Kumthum chung biatak tein aa zuam hnu ah a tu ah cun England, American le vawlei cung minthang ram cheukhat hna nih an tuahmi show puai zongah a hun i tel ve kho cang i Australia ram ah min thang taktak a simi Little Big Shots timi program tiang ah aa tel kho ve cang, a si nain Ryusei nih aa tinh bikmi Bruce Lee bantuk si a duhnak cu thlau lo tein nikhat ah suimilam pali chung bak a cinh peng ve.

Ryusei hringtu a pa nih cun ka fa pa hi Bruce Lee muicawl pawl a zohnak in Bruce Lee a uar lengah a mi tthuat ning zong hi a uar tuk i Bruce Lee nawl cawng in a tuah lengmang hnu ah show puai te hna i aa hun tel khawh vemi cungah hin aa lawm ngai ko rua tiah a chim.

Ryusei hi a bacefook cung zongah hawikon tingthum leng bak a nei ve cangmi si i Instagram cung zongah follwer tam taktak a nei fawn. Cu lawng hmanh si loin a mah pumpak Youtube channel zong a tuah rih fawn i zarhkhat ah video file pali tal cu a thlah peng ve, mah ti video a thlahnak thawngin a phaisa hmuhmi zong tam ngai ve cang.

Ref: ODDITYCENTRAL.COM

Releated Post