Nungak (80,000) Leng Bak Nih An Al Cang Nain A Lung Dong Hlei Rih Lo

Nupi neih a duh ngai vemi Tuluk pa pakhat nih nupi a ton khawhnak ding caah aa zuam ning hi cu upa ding tlaak ngai te si. Zei ruangah tiah cun nungak pawl nih voi thong sawmriat leng kan in duh lo tiah an al cang ko nain nupi neih khawhnak ding caah a lung dong kho ve hlei rih lo.

A tu bantuk in al peng a tongmi pa hi a min ah Niu Xiangfeng timi pa a si i a duhnak a cohlan piak tu ding nu a hmuh khawhnak ding caa kum caan sau nawn chung aa zuam ve cang. Xiangfeng timi pa hi a luan ciami kum riat lio te kan nupi tthit ding timhlamhnak a rak neih bantuk in nungak helh (nungak sah) aa rak zuam cang.

Mah ti cun kumriat chung bak ah nungak nu 80,000 leng a sah hna nain vanchiatnak nih a tlunh ruangah si rua a ho hmanh nih an duh bak ve lo, vawlei cung ah nungak lei kap i vanchiatnak tongmi pa hna lak ah cun a pakhat nak laksawng hmanh pek phu bak si ve.

Cu ti cun kum 31 a si cangmi Xiangfeng cu hruh buin nungak helh le sah hmang pa tiah Tuluk mipi cheukhat nih an auhmi nupi helhnak lei kap ah lungsau bik pa pakhat dirhmun ah aa chuah diam ai. A luan ciami kum 2013 thok in khan Tuluk ram khualipi Beijing khua lam pi cungah ‘nupi ka kawl’ timi sign board tlaih in hmun khat hnu hmunkhat ah a rak vaak len, cun a duhmi nungak a hmuh ah cun a mah bak nih a sah rih hna.

Niu Xiangfeng timi pa hi hringtu a pa nih a thih taak hnu in kum zei maw a hun rauh hnu ah ka nun can khuasak nak ah hin ka pawng ah a ka umpi tu ding nu pakhat cu ka herh ko timi ruahnak a neih caah a tu bantuk in nupi kawl a vahnak hi si, a si nain tu tiang ah cu a ho hmanh nih a duh rih lo nain nupi kawlnak rian hi ka ngol hlei lai lo tiah a chim ve.

Source: https://thecoverage.my/entertainment/man-rejected-80000-times-continues-look-wife-candidate/

 

Releated Post