A Nupi Chun He Nuam Tein Caan An Hman Lio Ah A Nupi Tak Nih A Poh Hna

Philippine ram Bus mawngtu pa pakhat cu a nupi theih loin a thli tein nupi chun aa chiah, mah a nupi chun nu cu ni fatin te a mawnghmi Bus hmailei tthutnak, a mah pawng te ah a tthut ter tawn i cu tin cun caan ttha an hmuh caan paoh ah nuam tak tak in an hmang tawn ve. A si nain voikhat cu mah Bus mawng tu pa le a nupi chun hna nih van chiatnak ni an ton ve.

A nupi chun cu a pawng te ah tthut ter in le nuam tein Bus a mawngh lio ah cun meisen an i mih sual ruangah traffic point cun meihring piah ding hngak in mawttaw cu a dir ter. Mah lio ah cun ruah lo piin angki nak aa hrukmi le luchin sen aa chinhmi nu pakhat cu mah Bus cungah cun a hung kai ve. Mah angki nak le luchin sen aa hrukmi nu cu Bus mawng tu pa nupi tak tak a si ai.

Bus cung a hung phanh le caangka in a pasal pawng te ah a tthumi a nupi chun cu a sam phur bak in a tlaih hnu ah a vuak/a tthuat chih len ko. Bus mawngtu pa nupi tak tak nih mah ti a vuak lio cu Bus cungah a cuang vemi minung pakhat nih a thli tein video a rak zeih hnu ah mah video cu social media cungah a thlah.

Bus cungah cun angki nak aa hrukmi nu nih a pasal pawng te ah a tthumi a nupi chun cu a sam in a rawt chih lengah a hmai zongah a bengh thluahmah. Mah tluk an buai bu lio zongah cun meihring a piah cang caah Bus cu ttha tein a mawng thluahmah ve ko. Hnangam ngain Bus a mawngh pah bu cun a nupi chung vua tu a nupi chun nih a leh ve khawhnak hnga ti bantuk in a nupi tak cu aa kham ter pah rih.

Bus mawngtu pa nupi tak nih hin a pasal nih thil dik lo a tuah ti a theih ruangah a hnu lei tein ral zulh dawh si, a nu pi chun belte cu zei hmanh tuah kho loin pakhat deuh nu kut tang ah cun aa kual leen ko i “ziah a mah he kan piat cang na ka ti lo maw” tiin Bus mawng tu pa cu a au hnawh len ve.

Bus mawngtu nupi tak nih cun mawttaw hmailei khan in a hnu lei aa rak tthial pah ah khin a pasal nupi chun cu hmunthur pung he voikhat a tuk buin “zah hngal lo nu, a nupi tak ka si hi na thei lo maw” tiah a au hnawh chap rih. Bus cungah a cuangmi hna nih mah nu pahnih aa velmi hna cu zei tuah ding thei loin an zoh sawh ve ko hna.

 

 

 

Releated Post