Model Thin Thin Le Chaint Kay Ko Hmanthlak Social Media Cungah A Laar Ngai

Myanmar Idol hlasak zuamnak ah season 3 tiang a phan kho vemi aw ttha Chaint Kay Ko hi a aw lei he pehtlai in chamh baunak tlawmpaal te a neih ruangah Judge pawl thimmi chung ah i tel kho hlah hmanh sehlaw lung donghnak a pel te hmanh nei loin a nuh ping ngia lei rian ttuannak ah kaar a hlaan cuahmah bantuk in mipi lei thazaang peknak zong a hmu bak vemi si.

A tu lio zongah a nuh ping ngia lei rian cu peh zul tein a ttuan cuahmah mi aw ttha Chaint Kay Ko cu a nuh ping ngia sin dang hna he hmun khat te ah video tiang hmanh aa hun zeih khawh ve cang. Mipi nih an uar ngia vemi Chaint Kay Ko nih cun a phung men in model pakhat a si vemi Thin Thi n he an i tonnak kong le hmaanthlaak te zong social media cungah a hun thlah ve.

Model Thin Thin cu kan theih cio bantuk in kei mah hna tlaaknak tel loin minta Wai Lu Kyaw nih hotel room pakhat chungah kal piin a ka sual pi hnu ah nang cu na dirhmun niam tuk tiin lam a tthen ruangah minta Wai Lu Kyaw zong cu taza a cuai tu a si bantuk in aw ttha Chaint Kay Ko he an hmanthlaak hna vun chuah ve tik ah mipi lei zong an lau ngai ve.

Hlasaknak lei lawng hmanh si loin lemcan zong a zuam ngaimi Chaint Kay Ko nih cun ‘Ma Thin Thin he kan i ton lio te ah dat kan tlai tti’ tiin model Thin Thin he hman an i thlaak ttimi cu social media cungah a hun thlah hi si, mah hmanthlaak cu a thlahnak in caan tawi te chung hmanh ah a zoh tu an tam kho ngai ve.

Cheint Kay Ko hi mi lungthiang le mi dai te a si bantuk in dawt tu hawi kom ttha tampi a neih lengah thazaang petu mipi zong caan tawi te chungah tam ngai a hun nei kho ve mi si. A tu bantuk in hmanthlaak a thlahmi cu mipi lei nih an hmuh tik ah Cheint Kay Ko hi model Thin Thin he maw a nuh ping ngia lei rian ttuan hi aa timh hnga tiah comment zong an pek len ve.

 

 

Releated Post