Myanmar/ Korea Film Zeih Dingmi Ah Mintami Wat Mhone Sher Yi Aa Tel Ve Lai

Kan kawlram mintami hna lak ah mipi nih thazaang an pek bak vemi le academy tiang hmanh voihnih bak a hmu ve cangmi mintami Wat Mhone Shwe Yi hi cu a rak men ve bak lo si lo. Tulio ah an piah cuahmah mi ‘pelep hna khuasaknak inn’ (leihpia saan ing) timi zuksin video chung zongah lem can ning a thiam tuk bantuk in mipi lei thazaang peknak a hmu kho tak tak.

Mintami Wat Mhone Shwe Yi nih cun a mah a daw tu le thazaang a pektu mipi hna ca zongah i lawmh pi ngai tlaak ding a simi thil kong pakhat a hun chim tthan. Mah cu zei dang si loin director Zin Yaw Maung Maung nih Myanmar le Korea ram pahnih fonh in zuksin zeih a timhmi ah Kawlram mintami hna aiawh in lem a cang kho ve lai timi thawngpaang si.

Mah an i zeih dingmi zuksin hi doctor Moe Nyi Lwin ttialmi tuanbia cauk cu international level phan kho dingin Korea ram nih a sang tak tak mi producer hna hlaang in an mah Korea lei kap in an zeih ve lai. Cun mah video cu South Korea ram khualipi Seoul, Busan le a dang khua hna ah an zeih te lai.

Cun kan mah kawlram chungah cun Mandalay, Sagaing, Pyin Oo Lwin, Bagan le Shan ram chung khua cheukhat hna le Chin ramkulh le Taneinthari ramtthen chung hna tiangah South Korea le Myanmar ram, ramhnih pehtlaihnak san ternak caah tin an zeih hna lai, kan Chin ramkulh chung belte ah hin khoi ka khua ah dah an zeih te lai timi bel fiang tein an thanh rih lo.

Mah an zeih dingmi zuksin video cu a min ah ‘caan khat lio khuasik thla’ (တစ္ခါကေဆာင္) timi si i Korea ram lei in minta pakhat le Kawlram lei in mintami pakhat zong an thim chap rih hna lai. Mah zuksin video hi tluang tein an zeih khawh ah cun a sunglawi taktak mi zuksin video pakhat i a chuah lengah Korea le Myanmar ram kaphnih pehtlaihnak a feh ter tu zong a si ve te lai.

Releated Post