Ka Darling Hi Cu Thazaang Tthawnnak Si Hraikhat Bak Si Ko

Kawlram a nuh ping ngia lei rian ttuannak ah an zuammi rian le an ttuanmi zong aa khat i hlawh tlinnak le minthannak zong an hmu le ah mipi lei kap zong nih uar in thazaang an pek bak ve hnami cu hlasak thiam Aung La le hlasakthiam Wai Su Khine Thein hna hi an si, an i duhnak caan zong a sau ngai cang nain tuni caan tiang i tthen lo tein pakhat le pakhat an i duh peng rih ko.

Hlasakthiam Wai Su Khine Thein nih a tlangval pa Aung La kong he pehtlai in “zei tluk ka baat ko zong ah thazaang tthawnnak si hraikhat bantuk a simi Aung La ka pawng a um ah cun ka baatnak zong a tlau dih ko” tiah a chim. Aung La le Wai Su Khine Thein hna hi aa duhmi an si bantuk in hmunkhat te ah hla zong a satti tawnmi an si i pakhat le pakhat kar zongah theihthiamnak an nei bak fawn.

“Traveling season, zei tluk ka baat ko zongah ka pawng ah thazaang tthawnnak (aa-se) a um ko” tiah a luan ciami February nihra zan suimilam pasarih le cheu ah khan Wi Su Khine Thein nih cun a mah facebook cungin a thlah hnu ah a pahnih hmanthlaak zong tam nawn te a rak thlah chih.

Aung La le Wai Su Khine Thein hna hi zei bantuk harnak an ton caan zongah pakhat le pakhat theih thiamnak le ttan ttinak he an i duhnak fek tein aa tlaih pengmi an si. Cun a fekmi le a dikmi chungkhar zong dirh kan duh ko cang tiah a luan ciami kum 2018 December thla nihhnih ni zan suimilam pahra le cheu zongah an rak thlah bal cang.

“A tu lio hi cu nuamhnak lawng tein ka khat ko, zei ruangah tiah cun kaa thimmi le baichiahnak ka tuahmi hi ka caah a dikmi biachahnak le thimnak a si ko timi kaa fiang chin thluahmah ve cang.”

“Mah bantuk in a dikmi le a hmaanmi dawtnak ka hmuh ruang zongah hin kaa lawm tuk, kan pahnih caah a herh bikmi hi chaw le va si lin a dikmi le a fekmi duh dawtnak hi si ko i cu thil cun a fekmi le a nuam mi chungkhar kan dirh lai mi Ko” tiah Wai Su Khine Thein nih cun a chim chap.

 

Releated Post