Cal Hnamhnak Nih A Langhtermi Sullam Pa (5) Hna

Hnamhnak timi hi a hmang tu deuh cu nu nak in pa pawl hi kan si deuh, a kan duh tu nungak pakhat nih a kan hnamh caan nak in kan duhmi nungak tu khi kan mah lei nih kan va hnamh hna caan a tam deuh lai. Cun kan dawtmi kan fale te zong a hnam tu tam deuh hi hringtu nu le nak in hringtu pa le kan tam deuh fawn.

Nungak pawl hi cu tlangval pawl nih kan hnamh hna hnu lawngah cu kan hnamh hnanak lehnak ah a kan hnam ve menmi an si (cheukhat nungak pawl cu leh ning cang hmanh an thiam rih lo). Cun hnamh kan timi ah hin hmur hnamh le cal hnamh timi in a um i cal hnamhnak nih hin zei dah a sawh duhmi si timi kong a tanglei ah rak rel ve.

Upatnak Le Tlaihchannak Langhter Tu A Si: Tlangval pakhat ni ha duh tukmi le a upat tukmi a nungka nu khi a duhnak le a tlaih channak langhterna caah a cal te ah a hnamh tawn, cal hnamhnak nih hin kan nungak pawl cungah zei tluk in dah upatnak le tlaih channak kan neih timi a langhter ve.

Sunlawihnak Le Ngaihvennak: Pa pakhat nih a duh tukmi a nungak nu cal te ah a vun hnamh tik ah khin a nungka nu cungah zei tluk in dah sunlawihnak le ngaihvennak lungput a neih timi a langhter ve. Zei ruangah tiah cun nu kan timi cu ningzah pang tukmi an si caah hmur hnamh ngai ngai khi cu a ngamh lomi zong an tam pi ve.

Kilvennak A Langter: Na nungak nu cal te ah na hnamhnak nih khan na nungak nu cungah a tlung dingmi ttih nung thin, soiselnak le thazaang dernak vialte chungin kan ven ko ee timi a langhter ve. Cun zei bantuk thil na ton zong ah na pawng te ah kan um pi peng lai in kan kilven peng ko lai timi zong a langhter fawn.

Dawtnak A Langhter Khun: Pa pakhat nih a duh tukmi a nungak nu cal i a hnamhnak nih khin a nungak nu hi zei tluk in dah a dawt timi le zungzaal ca kut sih tti dingin kaan thimmi na si timi zong a langhter chih ve, cu ruangah na tlangval pa nih na cal an hnamh tik ah khan ka tlangval pa nih hin ka cungah a dih dong kho lomi dawtnak pei a neih ko hi timi kha nungak lei kap in philh bak ve lo ding.

Thazaang Peknak: A biana ah thil pakhat khat ruangah na nungak nu nih ngaihchiatnak hna a ton caan i a cal te i na va hnamhmi te nih khin bia le kaa in chim khawh lomi thazaang peknak a langhter ve.

Releated Post