Minung Kan Ci Karh Ter Tu Le Thazaang Tthawnter Tu Ei Din Hna

Minung kan nunnak ah hin nu kan si mah maw pa kan si zongah kan ngan a dam i kan ci (sperm) thazaang tthawn zong hi a rak biapi ngia ve. Cu kan ci thazaang tthawnnak ding ah cun caan hmaan te in ti le rawl zong ei piak le din piak a herh bantuk in zei bantuk rawl hna nih hin dah minung kan ci thazaang a tthawn ter khun timi cu a tang lei ah ka vun ttial hna lai.

Dark Chocolate: Chocolate nakmi ah hin amino acid le a dang dat pawl tampi aa tel caah minung kan ci a karh ter lengah thazaang zong a tthawn ter. Cu lawng hmanh si loin nu le va hna nih nupa sualnak kan tuah caan zongah diriamhnak (orgasm) zong a phanh ter khawh fawn, a mah belte tamtuk in ei ah cun khing rihnak le thaunak a chuah ter khawh ve.

Cangkeuh or Cangkolh (Oyster): Zinc dat nih hin minung kan ci thlahnak le kan takpum chungah a ummi testosterone (pa kan til chung in a chuakmi hromone thaza si) level a karh ter khawh ve. Cangceuh le Cangkolh ah hin Zinc dat tampi a um caah minung kan ci thazaang a tthawn ter lengah testosterone level zong a kai ter khawh bantuk in nupa sualnak tuah tik zongah a herhmi lungthawhnak a chuahter fawn.

Arti or Cawmpei Ti (Eggs): Arti le Cawmpei ti hna chungah aa telmi Vitamin-E nih hin minung kan ngan a dam ter lengah ci thlahnak zong a tthat ter. Cun a tthami kan ci a hrawk tu ding hna a hrawh piak khawh rih caah ci ttha le a tthawngmi ci pawl a chuah ter ve.

Banhla: Banhla chungah aa telmi Bromelain tiah auhmi enzyme dat hna nih hin nupa sualnak hman duhnak lungthin a kar ter khawh ve lengah Vitamine dat zong a rum tukmi a si caah kan ci zong ngan dam ter in thazaang a tthawn ter rih caah Banhla hi tampi ei piak bak ding si.

Mai Mu (Pumkin Seeds): Mai Mu einak zong nih hin testosterone thlahnak a karh ter lengah minung kan ci zong karh ter in thazaang zong a tthawn ter rih fawn. Cun quality a tthami ci zong a chuah ter caah naupawi tuan a duhmi hna nih cun Maimu hi tam piin ei piak ah ttha.

Khachuan Raang: Khachuan raang tu hi cu mi tampi nih kan theih ciami si ko lai, minung kan ngan damnak caah ei lo theih lomi ei din phunkhat a si bantuk in kan ci thlahnak zongah thazaang tthawnnak a chuahter lengah Khachuan raang chungah aa telmi allicin tiah auhmi compound nih pa thilri rian ttuan ning zong a tthat ter rih fawn.

Antam Tawba Sen (Carrot): Antam tawba sen zongah hin Vitamin-A dat tampi aa tel bantuk in ci thlahnak lei kap zong ah thazaang tthawnnak a chuah ter ve. Vitamin-A hi anttam tawba sen in hmuh khawh a si bantuk in Oatmeal (Oat changvut) le sachuma hna zongin hmuh khawh si ve.

 

Releated Post