Trump Nih American Le Mexico Ramri Vampang Saknak Ding Caah Ah Laakhruak Nawineihnak A Hmang Cang Lai

American le Mexico ramri ah vampang kan sak khawhnak dingah laakhruak (emergency) nawlneihnak kan hman lai tiah nizan February ni 15 ah khan tulio Amercan president Donald Trump nih feh ternak a tuah cang. Mexico le American ramri ah vampang sak dingmi kong hi Trump nih president a rak tlin hlan, vote a rak laak lio zong ah tuah ding hrim hrim in mipi sin ah bia a rak kamh hnami si.

A si nain Democratic party lei nih cun Mexico le American ramri ah vampang saknak ding ca i Donald Trump nih a tu bantuk in thil a tuahmi hi ningcang loin nawl neihnak hman a si tiah an chim ve. American ram chungah rithaisi le misual hna an luh biknak hi Mexico ramri bak in a si deuh ruangah a tu bantuk in laakhruak nawl neihnak tiang hman a timh cangnak hi si.

A tu bantuk in US le Mexico ramri vampang saknak ding caah laakhruak nawl neihnak hmang dingin thawng thanhnak a tuah cang caah hi vampang saknak ding caah a herhmi phaisa zong cozah sin in Trump nih a hmuh khawh cang lai tinak si. Democratic party lei tu nih cun Trump thil tuahmi hi upadi he aa kalhmi, nawl neihnak chuh bantuk zong a si tiah faak ngai in soisel nak an tuah rih.

Mexico le American ramri ah vampang saknak ding caah a herhmi phaisa chuah piak lo dingin American hluttaw lei nih nawl an rak chuah ruangah Donald Trump nih laakhruak thil sining le dirhmun a thanhnak zong hi si fawn. A mah belte Trump thil tuahmi kong he pehtlai in Democratic lei nih cun upadi ning tein biaceih zungah kan chuah pi lai tiah an chim rih fawn.

Trump nih a tu bantuk in thawngthanhnak a tuah cang caah Mexico le US ramri ah vampang saknak ding caah Dollar billion leng hmannak nawl a neih lai, mah vampang saknak ding caah hin American dollar in 8 billion tluk kan hmuh lai tiah White House i Rose Garden ah Trump nih cun a chim.

Ref: BBC

 

 

Releated Post