Mithi Ruak Phum Loin Chiah A Hmang Tu Indonesia Khua Pakhat

Vawlei cung ram kip nih hin mah ram phung a si ah maw mah khua phung timi hi neih dih a si i cheukhat ram le khua hna nih an neihmi phung le phai hna cu khuaruahhar ngai ngai an si. Mah hna lak ah Indonesia ram Trunyan timi khua hna nih an neihmi le an zulhmi phung pakhat cu khuaruahhar ngai si.

Indonesia ram Bali ram kulh Batur timi in nichuah lei rili kam ah a ummi, Yrunyan timi khua ah cun an pi le pu chan tein an rak tuah tawnmi phung pakhat cu tuni caan tiang an zulh peng rih, mah cu zei dah a si tiah cun an khuami a thimi hna cu phum lo le mei zong khaang loin rua inn sakmi bawm chungah an chia in an thut ter hna.

Mithi ruak phum lo le mei zong khaang loin an ziamh dih tiang mah ti chiah cu zei tluk ko khin dah a thut hna a hei thut hnga, khua ruah har pakhat cu si bak ve ko. An thut cikcek tiang rua in sakmi bawm chung ah an chiah hnanak a si lo ah mithi hna mah ti an chiahnak thlaan cu an khua kam te bak ah a um fawn.

A si nain mah thlaan cu lawng he Batur timi tili tan hnu lawngah phanh khawhmi hmun a si i mi kip lut kho lo dingin an khapmi hmun zong a si bantuk in pa lawng lawng luhnak nawl an ngah. An khua chung mithi an um caan paoh ah an ruak cu lawng in an kal pi hna hnu ah mah ka hmun ah cun an va chiah tawn hna.

Mithi ruak cu puan in an zual dih hna nain an hmai belte an khu bak ve hna lo, nu pawl kal le luh a ngah lonak hmun a si bantuk in nu pakhat khat nih a thli tein maw a luh sual ah cun an khua chungah li-hnin le meitlang puahnak tibantuk ttih nung mi thil a chuak tiah khuami hna nih cun an zumh ve.

 

Releated Post