Hlasak Thiam Athen Sho Swe Nih Vawlei Cungah A Huat Bimi Pa Kong A Chim

A luan ciami kum 2010 lio hrawngah biatak tein a rak laarmi le tuni caan tiangah mipi nih an uar ngai rihmi hlasak thiam Athen Cho Swe zong a tu ah cun a dawtmi a fanu Ivy he single mother dirhmun in nuam ngai in caan a hmang ve cang. A fanu Ivy cu thil a theih khawh tuk ruangah le a leet tuk ruangah hringtu a nu lawng hmanh si loin mipi zong nih an duh ngai ngai.

Athen Cho Swe hi ‘a pemmi umpu’ (ေပါက္တဲ့အို:) timi hlaphel in mipi nih an rak theih ngaimi si i mah hnu ah ‘kei mah he aa neih bik minung’ (အနီးဆုံးလူ) timi a pahnihnak hlaphel a hun chuah tthan hnu ah mipi lei nih an hun uar tak tak ve. Cun a nih hi hlasak nak lei lawng si loin lem cannak lei zong a zuam ngaimi a si bantuk in video tiang hmaanh aa zeih vemi si.

A si nain hi vawlei cung cu duh tlin lonak ram a si bantuk in hlasak thiam Athen Cho Swe zong chungkhat dirhnak lei kap ah cun vanthiatnak a tong ve. A tlangval pa he an i neihnak in fa pakhat an neih bak ah an inn chungkhar ah thlichia le tilet bantuk chuak in an hun i tthen tthan caah single mother dirhmun a phanh nak zong cu si.

A pasal cung i lung fahnak a neih ruangah maw si hnga hlasak thiam Athen Cho Swe nih cun vawlei cungah a huat bikmi pa kong tiang a chim. “Pa pakhat ka si tiah aa ti ve ko nain mah nih duh ko buin tthitmi nupi velh a hmangmi le duh tawk in velh hnu ah nupi le khuk tlaih in ngaihthiamnak nawl a hmangmi pa pawl hi vawlei cung i ka huat bikmi pa cu an si” tiah Athen Cho Swe nih cun a chim.

Athen Cho Swe bia chimmi hi rel tik ah mah bantuk in a cungah thil a rak tuah balmi pa hna he pehtlaihnak an rak nei i maw si hnga timi hi ruah ding a um ngai ve.

 

Releated Post