Kum (20) Chung Bak Angki Zunkhat Aa Hruk Pengnak A Ruang

Vawlei cung kan nun chungah hin minung cheukhat hna nih cun kan nunnak nak hmanh in kan sun lawih deuhmi thil a um tawn i cu thil cu man tlawm te a si zongah sun lawih a thiam tu hna kut cung a phanh ah cun man a nei tak tak mi thil ah a cang ve tawn, a si nain a hmang tu hna caah san tlaihnak a nei lem lomi thil hna hi cu zei tluk man faak an si ko zongah man a rak nei lem lo.

Social media pakhat a si vemi Twitter cungah @922-riaru timi account hmang tu nu pakhat nih cun hring tu a pa nih kumkul chung bak angki zunkhat te peng aa hruknak kong hi thei a duh ruk hringhran. Hringtu a pa nih hin mah angki te cu zei tluk a tleh zongah thil sah pakhat khat he a belh peng i thiang hlim tein aa hruk peng fawn.

Cun mah angki te cu thil herh poi mawh a neih caan le an chungkhar ning in khual pakhat khat an tlawn caan paoh ah aa hruk peng. A nu le pa hna nih a luan ciami kum 18 lio i hmaan an rak i thlaakmi pawl a zoh tik zongah mah hmanthlaak chung zongah cun hringtu a pa nih mah angki te peng cu aa hruk.

Cu ruangah theih a duh tukmi thil cu i sum kho ve ti loin “ka pa, zei ruangah dah mah angki te peng hi kumpi kumkul chung bak naa hruk peng” tiah a pa cu a hal. Cu tik ah hringtu a pa nih cun “nang mah an hring tu na nu hi a luan ciami kum 18 lio ah khan a rak thi cang i na nu philh lo nak caah tiin mah angki hi kaa hruk peng nak si.”

“Mah angki ka pum cung i kaa vun hruk bak ah hin nang mah an hringtu na nu hi ka sin ah a um peng mi bantuk in ka theih caah le na nu hi ka philh khawh bak rih lo caah mah angki hi kaa hruk pengnak cu si ee” tiah a pa nih cun a leh. Kum 20 chung lengkai bak hringtu a nu a philh kho lo tu a pa sining a hmuh tik ah a zaang faak tuk i upat nak zong a pek tuk ve.

Releated Post