Vawlei Cung Saram Hna Lak Ah A Tthawng Bik Pa (10) Hna

Vawlei cung saram tthawng bik hna kan ti tik ah a ho cio paoh nih Africa ram ah ummi Vui, Chiandeih le Cakei te hna kan ruah colh kho men, kan ruah ning bantuk in vawlei cung saram hna lak ah a ngan bik cu Africa ram saram pawl an rak si ko i a tthawn zong cu an ttawng bak fawn. A si nain hlathlainak tuah tu scientist mifim hna nih hlathlainak an tuah ning ah cun vawlei cung saram hna lak ah a tthawng bik pawl hi saram ngan bik pawl an rak si lem lo i saram hme deuh pawl tu an si.

Cu ruangah scientist mifim hna nih vawlei cung saram hna lak ah a tthawng bik tiah an hmuh mi pawl cu an mah hmuh ning le thlah ning in a tang lei ah hin ka vun langhter hna lai, a thei cia zong kan um ko lai nain a thei rih lomi hna kan um sual ah tiah theihtlei pakhat bantuk in ka vun share chin venak si.

Dung Beetle: Dung Beetle timi zong hi cep phunkhat a si ve i lehmah cheu tluk lawng a ngan ve ko nain vawlei cung saram hna lak ah a tthawng bik tiah an chiah bak mi si. A ruang cu a pum rihnak nak in a let 1141 tluk a ritmi thil an phurh khawh ve. A mah belte mah Dung Beetle timi cep pa nih hin nu a keih caan lawng ah mah ti a tthawnnak cu a hman khawh ve.

Rhinoceros Beetle: An nih hi cep phunkhat an si i a pum ngan nak rup in thil a phurh khawh ning in tuak ah cun mah Rhinoceros Bettle timi cep hi vawlei cung saram hna lak ah a pahnihnak i a tthawng bik tiah an chiah hnami an si ve. An nih zong hi an pum ngan rup nak in a let 850 tluk bak in a ritmi thil an phurh khawh, minung dirhmun in tuak ah cun ton 65 tluk ritmi a phurh khawh tinak si.

Leagcutter Ant: An nih hi hngerhte phun khat an si ve i an pum cu fa tuk ko hmanh sehlaw an mah le an pum rup in tuak tik ah vawlei cung saram tthawng bik hna lak ah a pathum nak bak ah an chiah mi si. Centimeter pahnih le cheu lawng bak an ngan ko nain a tak pum ngan mi tluk nak in a ler sawmnga bak in tthawnnak a nei tu an si.

African Bush Elephant: African Bush Elephant timi zong hi hnuk ding samram phun khat an si ve bantuk vawlei cung saram hna lak ah cun a ngan bik le a tthawng bik phunkhat an si ve. An nih hi Africa ram tupi chung deuh ah a ummi an si i mah Vui zong ah hin phun hnih in tthen an si ve.

 Gorilla: Gorilla cu zawng phunkhat a si i hnuk ding saram hna lak ah cun a ngan bik le a tthawng bik saram phunkhat ah aa tel vemi an si. Cun an nih hi minung hna kan cawl cangh ning aa cawn ngai vemi saram phunkhat zong an si i a bik tak in an pum cungah an baan tha hi a tthawng tuk hring hran, King Kong timi film kan zohmi chungah a cangmi pawl kha an si.

Ox: Ox kan timi cu caw tum phun khat a si vemi vawlei cung ram cheukhat hna ah cun Bu llock tiin theihmi cawtum tthawng tak tak mi pawl an si. Document an tuahmi an zoh tthan tik ah mah Ox cawtum phun pawl hi Khrihfa hna kan biakmi kan Pathian fapa Bawi Jesuh Khrih a chuah hlan kum 2000 lio ah a rak um cangmi an si taih an hmuh khaw.

Gizzly Bear: Gizzly Bear kan timi cu vom phunkhat a si ve i vawlei cung saram hna lak ah a ngan bik le a tthawng bik pawl an si ve. An nih hi North America le Canada ram chung hna ah hmuh khawh mi an si i 2.5 meter tluk hrawng an sang ve.

Cakei: Cakei tu hi cu mi tampi nih kan theih ciami saram a si ko i vawlei cung saram hna lak ah a mah bantuk saram dang sa bak rawl caah a ei vemi si. Vawlei cungah hin cakei phun 10 leng a um ve i mah hna lak ah cun Siberian cakei timi phun hi a ngan bik le a tthawng bik zong an si.

Lim (Anaconda): Anaconda timi rul hi Green Anaconda, Yellow Anaconda, Darky spotted Anaconda le Bolivian Anaconda tiin phunli ah tthen an si. Mah Anaconda phunli chungah cun Green Anaconda timi hi a ngan bik a si i pe 20 leng a saumi a si lengah 227 Kilogram tluk a rit fawn. Video maw youtube chung zongah kan hmuh cio tawn bantuk in mah rul phun hi sivai cu nei lo hna hmanh sehlaw an mah nak in a nganmi saram ngal vok, cakei (pawte) le a dang dang hna zong an ngerh hna hnu ah an pum bak in an dolh khawh rih hna.

Mupi (Eagle): Vawlei ah a vaakmi saram hme te hmanh van a zuan buin a hmu kho tu le a cawi kho tu vawlei cung saram lak ah Mupi hi a tthawng bik pakhat a si ve. Cun Mupi nih hin a mahnak in pumrua ngan deuhmi ram ui, sazuk le a dang saram cheukhat hna tiang a cawi khawh ve hna, a thazaang a tthawn tuk lengah a mit hrim a ttha kho tuk.

Releated Post