Pa Paoh Nih Kan Theih Herh Tukmi Sualnak Pohmah 375,376 Le 377

Tulio kan kawlram ah a laar ngaimi thil le social media cung in siseh mipi kar zongah kan theih pengmi le kan rel pengmi cu model Sue Sha Htet nih hlasak thiam Issani taza cuainak kong, Zinmar Oo nih minta Thi Ha Tin Soe taza a cuainak kong le model Thin Thin nih minta Wai Lu Kyaw taza a cuainak kong hna hi an si.

Mah taza cuainak kip ah hin taza cuai tu hna nih taza cuainak ah an hman bikmi pohmah (case) cu 375, 376 le 377 hna hi an si. Cu ruangah mah pohmah pathum hi kan nih kawlram khuasa pa pawl kip hna zong nih kan theih fian ve a hau ngai, pohmah 376 hi cu nu tleihhrem nak case a si bantuk in a thei cia tu kan tam ngai ko lai nain a dang pahnih belte hi cu kan theih tuk lem men lai lo caah a tang lei ah ka vun langh ter hna lai.

Pomah 375: Mah zong hi nu tleihhremnak case pakhat cu a si ve ko i pakhat nih nu hna tlaaknak tel loin maw, duh lo buin, a hnatlaak ko bu zongah mah nu kha kum 16 tang hngakchia a si sual ah maw nupa sualnak a tuah pi si ah cun mah cu pohmah 375 he pehtlaihnak a neimi si.

Mah pohmah hi ttih a nun ngai rihnak pakhat cu kan mah le kan nupi cia maw kan nungak le zong sual pi kan duh hna i an duh lo buin sualnak kan tuah pi tik hna hmanh kan nupi le nih an duh bak lo si ah cun mah pohmah 375 hmang in taza cuai khawhnak nawl an neih ve, hi hi kap khat lei in ruah ah cun a dik lo ngaimi a lo ko nain al khawh si ve hlei lo.

Pohmah 377: Mah hi cu phung ning loin nupa sualnak hman tik ah taza cuai khawhnak caah hmanmi pohmah a si i kum 10 tiang zong thong tlaak khawh a si ve. Pa pakhat nih pa le pa sual tuahnak, nu he phung ning loin sual tuahnak le saram he sual tuahnak a hman ah cun mah cu phung ning lo i sualnak tuah a si caah hi pohmah 377 hmang in taza cuai khawh si.

Pohmah 367: Mah tu hi cu nu tlaihhremnak case bak a si ko i pa pakhat nih nu pakhat a duh na loin sualnak tuahpi kha si ko. Cun mah pohmah 376 tu ah hin cun kum tling bak mi nu pakhat tlaihhrem le sualpi a si caah kumhnih in ku 10 tiang zong thong tlaak khawh a si ve.

Releated Post