Kum (82) Japan Tar Pa Nih Apiaka Zeihnak Ah Guinness Bak A Hmuh Ve Cang

Vawlei cung ram vialte lak ah Japan ram hi apiaka (blue film) aa zeih bik ve tu ram pakhat a si bantuk in an nih ram ah cun tar pawl zong nih hin nungak no te te hna he apiaka cu an i zeih tti tawn hna. Zei ruangah dah apiaka zeihnak ah hin tar tiang an i tel tiah cun an ram ah nu nak in pa an tam deuh ruangah si.

Cun Japan, America, Germany le Russia ram hna ah cun apiaka zeihnak hi chungkhar paw cawmnak bak ah a hmang vetu an um i mah ramli hna hi vawlei cung ah cun apiaka aa zeih tam bik an si ve, cun mah ramli hna telh lo ah cun Korea zong hi apiaka zeihnak in phaisa kawl a tthawng ngai vemi an si.

Mah ramli hna ah hin cun apiaka zeihnak hi cozah nih phung ning te bak in a onh hnami a si bantuk in rampi phaisa hmuhnak, tax an hmuh tamnak bik pakhat zong a si ve. A tu ah kan vun ttialmi hi Janpan ram apiaka aa zeih tu pa hna lak ah kum upa bik (kum 82 pa) Shigeo Tokuda timi pa kong hi si.

A nih hi apia film zeihnak ah kumkul chung bak caan a hmang cangmi si ah a tu zongah kum 82 a tling cang nain Japan nungak no te te he apia film cu aa zeih kho peng rih ko, a tutiang ah a pia film aa zeihmi hi zatka a thong leng bak in a si ve cang i nungak pa zei zat he dah an i zeih tti bal timi belte cu fiang tein theih khawh si ti lo (a tam ngai ngai cang lai).

Cun Tokuda timi pa hi mah apia film zeihnak in hlawh tlinnak a hmuh bak ve lengah a tu ah cun vawlei cung apia film aa zeih tu pa vialte lak ah kum upa bik timi world record (guinness) tiang a hung lut ve cang. “Apia film kaa zeih hmasa bikmi hi a luan ciammi kumkul lio ah khan a si i kaa rak zeih ka lio hrawngah cun ka ning zong a rak zak ngai ve ko nain a tu ah cun ningzahnak thil zong ah ka ruat lem ti lo” tiah Tokuda nih cun This Week in Asia timi TV program thlah tu hna nih interview an tuahnak ah a chim.

 

Releated Post