Kum 2019 Asia Ram University Ttha Bik Pa (5) Hna

Vawlei cungah Standford university, Harvest university le Oxford university hna cu university hna lak ah a ttha bik le a sang bik ah chiahmi an si i an nih hna hi vu world level ah a ummi an si bantuk in kan mah Asia ram chung zongah tu kum 2019 chung i university ttha bik tiah thimmi panga an um ve hna.

A tu bantuk in university ttha bik tiah thimmi hna hi QS University Ranking nih an thimmi hna si bantuk in mah university hna i an quality, ca chimh ning, ca chim tu saya/sayama hna le siahngakchia hna hna nih zei tluk in dah ca an thiam le teinnak le hlawh tlinnak an hmuh timi cungah zoh in an thim hna mi si.

Panganak Peking University (China): A panga nak ah a dirmi university cu Tukul ram ah a ummi Peking university timi hi si i mah siangin hi Tuluk ram khualipi Bejing khua ah a rak ummi Guoijian timi sianginn hlun pi kha a luan ciami kum 1898 lio ah a thar in an remh tthanmi si.

Mah siangin hi vawlei cung university ttha bik sawmthum hna lak hmanh ah pakhat aa tel vemi si i mah siangin ah hin medical lei, art lei, management, computer le engineer lei tiang cawn khawh a si. Cun mah siangin ah hi siang ca chim tu le siangin ah rian ttuan tu minung 7317 an um i kumkhat ah hin siahngakchia 42665 tluk hrawng an kai tawn.

Palinak Tsinghua University (China): Asia ram university vial te hna lak ah a palinak ah a umm vemi cu Tuluk ram tthiam tthiam ah a ummi Tsinghua timi sianghleirun pi hi si. Mah siangin zong hi Tuluk ram Bejing khua tthiam ah a ummi si i Engineer, Science le computer subject hna hi a hlei in an cawn deuhmi cu si.

Cun mah university hi vawlei cung sianghleirun siangin ttha bik hna lak zongah 17 nak ah a dir vemi si i a luan ciami kum 1911 lio ah khan an rak onmi si, mah sianghleirun siangin pi ah hin siang ca chim tu le rian ttuan tu minung 3133 le siahngakchia 36300 tluk an um ve.

Pathumnak Nanyang Technological University (Singapore): Mah siangin hi a luan ciami kum 1981 lio ah khan Institute siangin pakhat lawng in a rak dirmi si nain a luan ciami kum 1991 lio khan university dirhmun ah a hung kai ve, cu mah siangin ah hin siangin a kaimi siahngakchia minung 33000 tluk bak an um ve.

Pahnihnak University of Hong Kong: Asia ram chung sianghleirun ttha bik hna lak ah a pahnih nak dirhmun ah a ummi cu University of Hong Kong timi sianginn pi hi si i a luan ciami kum 1887 lio ah khan Hong Kong medical College tiin a rak dir nain kum 1911 lio ah khan Hong Kong University tiah a hung kai ve.

Mah siang ah hin Science, Medical, Education, law, Economic, Language le Political subject hna cawn khawh a si bantuk in kumkhat ah a tlawm bik siahngakchia minung 30000 leng tuk hi an kai peng ve.

Pakhatnak National University of Singapore: Asia ram chung university hna lak ah a ttha bik hna lak hmanh i a pakhat nak ah a dirmi cu Singapore ram ah a ummi National University of Singapore timi hi si. Mah siangin zong hi a luan ciami kum 1905 lio ah khan cun King Edward VII timi medical college dirhmun te in a rak dir nain kum 1980 lio ah khan cun National Universty tiah an hun thlen ve.

Mah siangin hi Asia ram chung university vialte lak ah a ttha bik tiah thimmi a si bantuk vawlei cung university ttha bik hna lak zongah number hleikhat nak dirhmun ah a ummi si. Mah siangin ah hin kum khat ah siahngakchia minung 40000 leng an kai peng bantuk in kum tin te siahngakchia thiam tak tak mi a chuah ter peng ve hna.

 

Releated Post