Vawlei Cung I Mirum Cem Mansa Musa Khuaruahhar Tuanbia Tawi

California University i History professor Rudolph Butch nih: “Mansa Musa hi a rum tuk ah hin khuaruahhar a si. A rum tuk ah hin a nei zat chawva le tthawnnak zong theih khawh an si lo.” tiah a chim.

Mansa Musa hi 1280 kum ah Africa uktu chungkhar ah chuak mi a si. Mah lio caan ah hin a tta pa Mansa Abu-Bakr nih Africa, Mali Empire  hi a uk lio a si.

A tta Abu-Bakr hi kum 1312 ah tilawng he khual a tlawng i a rak kir tthan ti lo caah kum 1312 thawk hin Mansa Musa nih Mali Empire cu a uk.

Musa hi Mali Empire a uk hnu cun Empire rumnak vialte cu amah kut ah a um dih cang. Sui ngun le ram chung Chawlehnak centre nganpi pi hna cu amah kut ah an um mah chawlehnak hin tampi a tthathnem pi.

Musa hi a upa deuh deuh i Africa ram i khua hme te te 24 hna cu a fonh khawh hna. Mali Empire nih hin vawlei cung sui le ngun a cheu cu a neih i Musa nih Mali ram a uk hnu hin a cheu hna cu Mansa Musa ta an si cang.

Musa hi muslim a si i Mecca ah raithawinak ding ah hin kum chiar Sahara Desert le Egypt ram hna hi a lanh lengmang hna i khual zong a tlawng tawn hna.

Mansa Musa hi Egypt khuapi Cairo ah thla thum chung a tlawng hna i sui tampi a pek hna. Musa nih Cairo sui a pek mi hi a tam tuk i an chawlehnak lei cu faak piin a thlen piak hna.

Musa hi khual a tlawng ah hin bupi minung 60,000 he tlawng tawn. Siangpahrang Musa nih nitlak lei Africa ah hin ca cawnnak tradition zong hi a hngalhter hna.

Musa hi Mecca ah raithawinak ding ah a kal i prophet Muhammad le Andalusian cu sui kg 200 a pek hna, Kg 200 sui hi a tu pound 6.3 million a si. Mali ram hruaitu pa Musa nih hin ca cawnnak sianginn, library le muslim biakinn hi a sak piak hna i tang ka zong tampi a pek hna.

 

“Sui ngun le ram chung Chawlehnak centre nganpi pi hna cu amah kut ah an um caah chawlehnak hin tampi a tthathnem pi” Musa hi minung tuanbia ah a rum cem mi a si.

 

Releated Post