Thisen He Aa Ciahmi Naute Bak Hringtu Nu Nih Lamkam Ah A Hlonh Diam

Minung kan nunnak ah hrinmi fa le hna nih zei tik hmanh ah kan cham khawh ti hna lo dingmi thil pakhat cu hringtu nu le dawtnak hi si. A si nain cheukhat hringtu nu le hna cu minung lungthin hmanh a nei lomi an rak um ve hoi i an hrin ciami fa le hmanh lamkam ah hlonh hmang tu le thah hmang tu an rak um ve hoi.

Azerbaijan ram khualipi Baku timi khua ah hringtu nu pakhat nih a hrin kaa mi nau te cu thi le dawi he lamkam bak ah a hlonh taak ko. Mah a hlonhmi naute hi nute a si i hringtu nu nih cun a hrinnak in caan tlawmpaal ah a nun bu bak in lamkam hmunhthur chiahnak pung pawng te ah a thisen ciah bu bak in a hlonh ko.

Hringtu nu nih plastic baw chungah sanh in a hlonh ko nain mah naute cu vanttha tak tak in a thih hlaan deuh ah New York khua in Azerbaijan ram khualipi Baku ah a rak tlawngmi khualtlawng pa pakhat nih a hmuh. Mah naute hi a nu paw chungin a chuahnak hmanh suimilam caan tlawmpaal te lawng a rau rihmi si mah khual tlawng pa nih hin hmu manh hlah sehlaw cu caan rau lo te chungah a thi colh ve ko hnga.

Eurasian City palik zung lei in ttuanvo nei tu palik pakhat nih cun “mah naute hi a nunnak him ko rih i a tu ah cun Republican Institute of Paediatrics department ah chia in thlopbolnak an tuah cuahmah lio si, cun mah hnu in hin hngakchia zohkhenhnak sizung pi ah kan tthial tthan te lai” tiah a chim.

Mah thil hi a luan ciami January thla ah khan a rak cangmi si i caan zei maw zat cu a rau cang ko nain a rel rih lomi hna kan um sual ah tiah ka vun share tthanmi si. Palik pawl nih mah naute a hlonh tu hringtu nu zong an kawl cuahmah lio si i an hmuh ah cun palik nih faak ngai in dantatnak an tuah ve te lai.

Releated Post